Орто Халыма дэлэгээссийэтэ пуорумҥа кыттар

«Малая Родина — Сила России» пуорумҥа кытта сылдьалларын туһунан Орто Халыма улууһун баһылыга Иван Васильевич Лаптев бэйэтин ТГ-ханаалыгар суруйар.

-Биһиги дэлэгээссийэбитигэр Орто Халыма куоратын баһылыга Николай Захарович Чукров, Сиэн Күөл нэһилиэгин баһылыга Елизавета Николаевна Жиркова уонна Иккис Хаҥалас нэһилиэгин баһылыга Юрий Алексеевич Гуляев бааллар.

Пуорумҥа уопсайа 89 эрэгийиэнтэн барыта 7500 киһи кыттар. Араас тиэмэлэри дьүүллэһиигэ Судаарыстыбаннай Дуума дьокутааттара, миниистирдэр, эрэгийиэннэртэн губернатордар, куораттар мэрдэрэ кыттыыны ылаллар. Сынньалаҥ кэмигэр «Россия» норуоттар икки ардыларынааҕы быыстапка-пуорумҥа сырыттыбыт. Биллэн турар, Саха сирин бары дэлэгээссийэлэрэ өрөспүүбүлүкэбит экспозициятыгар көрсүһэрбит саарбахтаммат.