Орто Халыма олохтооҕо икки киһини өлөрөн, 18 сылга көҥүлэ быһыллыаҕа

Орто Халыма улууһун 48 саастаах олохтооҕо икки киһи тыыныгар туран уонна ону кистии сатаан, 18 сыл 1 ыйга ыарахан эрэсиимнээх холуонньаҕа көҥүлэ быһыллыаҕа. Бу туһунан СӨ Силиэстийэлиир кэмитиэтэ иһитиннэрэр.

Былырыын атырдьах ыйыгар бу киһи итирик туруктаах сылдьан, Халыма өрүс биэрэгэр турар дьиэҕэ икки киһини ытан өлөрбүт. Ол  дьон тута миэстэтигэр тыыннара быстыбыт.

Буруйу оҥорбутун кистии сатаан, өлүктэри тимирдэ сатаабыт. Мотуордаах оҥочоҕо өлүктэри тиэйбит уонна луомунан аннын хайа саайбыт. Ол түмүгэр оҥочо өрүс түгэҕэр түспүт.