Орто Халыма улууһугар Сылгы-Ыытарга дизельнэй электростанция умайда

Орто Халыма улууһугар Сылгы-Ыытар нэһилиэккэ дизельнэй электростанцияҕа баһаар таҕыста.

Оройуон баһылыга Иван Лаптев иһитиннэрбитинэн, баһаарга эмсэҕэлээбит дьон суох. «16:15 чааска Орто Халыма туһаайыытынан Сылгы-Ыытар нэһилиэгэр буруо тахсыбыта бэлиэтэммитэ. 16:45 чааска дизельнэй электростанцияҕа уот турбутун туһунан биллэрбиттэрэ. Быыһааччылары уонна баһаарынайдары кытта көтөргө бэлэмнэнэбит. Эмсэҕэлээбит дьон суох», — диэн улуус баһылыга иһитиннэрдэ. ЫБММ пресс-сулууспатыгар чуолкайдаабыттарынан,  баһаарга электростанция түөрт энерговагона алдьаммыт. Уоту умуруорууга 10 киһи кытынна уонна  баһаарынай хамаанда биир тиэхиньикэтэ тардылынна.