Орто Халыма ытык кырдьаҕастарыгар Кыайыы 80 сылынан мэтээллэри туттардылар

Орто Халыма оройуонугар Кыайыы 80 сылынан үбүлүөйдээх мэтээллэри өрөспүүбүлүкэ салалтатын аатыттан СӨ тутууга миниистирэ Виктор Романов туттарда.

Ол курдук, «1941-1945 сс. Аҕа дойду Улуу сэриитигэр Кыайыы 80 сыла» мэтээллэри дохсун ытыс туаһыгар арыаллатан Даурова Мария Петровна, Соломахо Екатерина Васильевна, Яковлева Екатерина Дмитриевна, Явловская Мария Спиридоновна уонна Слепцов Дмитрий Николаевич туттулар.

Миниистир Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларынан  маннык көрсүһүүлэр улахан суолталаахтарын бэлиэтээтэ.

Хаартыскалар: «Халыма Долгуннара» улуус хаһыатыттан