Орто Халымаҕа 52 саастаах дьахтар киһини өлөрбүт дьыалатын силиэстийэтэ түмүктэннэ

Саха сиринээҕи силиэстийэлиир кэмитиэтин Халыматааҕы силиэстийэлиир отдела Орто Халыма оройуонун 52 саастаах олохтооҕо киһини өлөрүүгэ холуобунай дьыалатын силиэстийэлээһинин түмүктээтэ.

Силиэстийэ быһаарыытынан, былырыын сэтинньи 27 күнүттэн ахсынньы 1 күнүгэр диэри буруйданааччы дьахтар Орто Халыма куоракка Строительнай уулуссаҕа дьиэ кыбартыыратыгар итирик туруктаах сылдьан кэргэнин түөһүгэр хас да төгүл быһаҕынан анньыбыт. Бааһырбыт эр киһи ылбыт эчэйиититтэн балыыһаҕа суорума суолламмыт.

Буруйу оҥоруу Орто Халыма оройуонун ИДьМ суһал подразделениетын көмөтүнэн арылынна. Борокуруор этиитинэн холуобунай дьыала суут көрүүтүгэр ыытылынна. Бу туһунан Саха сиринээҕи Силиэстийэлиир кэмитиэтин пресс-сулууспата суруйар.