Орто Халымаҕа сүппүт балыксыты көрдүүллэр

Орто Халыма улууһун Сиэн Күөл сэлиэнньэтигэр 1940 сыллаах төрүөх эр киһи сүппүт. Бу туһунан Саха сирин Быыһыыр сулууспата иһитиннэрэр.

Эр киһи от ыйын 8 күнүгэр Көссүүк сиригэр балыктыы барбыт уонна дьиэтигэр төннүбэтэх. Балыксыты от ыйын 16 күнүттэн көрдүүллэр. Көрдүүр тэрээһиннэргэ 16 киһи кыттыста.

Бэҕэһээ, от ыйын 19 күнүгэр, Дьокуускайтан сүппүт киһини көрдөөһүҥҥэ Саха сиринээҕи Быыһыыр сулууспатын быыһааччылара көттүлэр.