Орто Халымаҕа элбэх кыбартыыралаах алта дьиэ тутулла турар
![](https://sakha-sire.ru/wp-content/uploads/2024/06/screenshot_20240620-203713_chrome-966x596.jpg)
Орто Халымаҕа хаарбах дьиэттэн көһүөхтээх дьоҥҥо анаан элбэх кыбартыыралаах алта дьиэ тутулла турар.
Орто Халымаҕа Бырабыыталыстыба бэрэссэдээтэлин бастакы солбуйааччы Дмитрий Садовников хаарбах дьиэттэн көһөрүү бырагыраамма үлэтин бэрэбиэркэлээтэ. Бу чэрчитинэн билигин алта дьиэ тутулла турар. Манна уопсайа 100 дьиэ кэргэн көһүөхтээх. Дмитрий Садовников дьиэ тутуутун үлэтин түргэтэтэр туһунан сорудахтаата.
«Эбийиэктэр тутуллууларын бэлэмэ араас. Бэдэрээтчиттэри кытта көрсүбүт кыһалҕалар бары да майгыннаһаллар. Оройуон ырааҕыттан тутуу матырыйаалын тиэрдиигэ уустуктардаах. Онон сорох матырыйааллар сайыҥҥы навигациянан аҕалыллыахтара», — диэтэ.
Сорох эбийиэктэр болдьоммут кэмигэр тутуллубакка, кыраапыктан хаалыы тахсыан сөп. Онон бэдэрээтчиттэргэ ыстараап олохтонуон сөп.
Сообщить об опечатке
Текст, который будет отправлен нашим редакторам: