Орто Халымаҕа халаан уутун кэнниттэн суоллары чөлүгэр түһэриэхтэрэ

Халыма өрүскэ уу таһыма үрдээбитин түмүгэр, 2776 миэтэрэ усталаах олохтоох суолталаах куорат иһинээҕи суоллары халаан уута ылбыта.

Тутуу миниистирэ, оройуон куратора Виктор Романов иһитиннэрбитинэн, билигин хоромньу сууматын сыаналааһын үлэтэ ыытыллар.

«Тутууга уонна сыананы оҥорууга эрэгийиэннээҕи кииҥҥэ Тырааныспарга уонна суол хаһаайыстыбатын министиэристибэтин кытта суоллары чөлүгэр түһэрэр үлэлэргэ сметнэй сыанатын быһаарыыга эспэртииһэҕэ бэрилиннилэр», — диэтэ Романов.

Санатан эттэххэ, өрүскэ муус аһаар кэмигэр суоллары, ону таһынан тиэргэннэри уонна аэропорт көтөр-түһэр балаһатын халаан уута ылбыта. Ыам ыйын 28 күнүнээҕи туругунан Халыма өрүскэ муус ааһара үөһээ тардыытынан Орто Халыматтан 250 км үөһэ бэлиэтэнэр, аллараа тардыыта Колымское сэлиэнньэттэн 50 км аллараа устар. Өрүскэ барыта 11 дэлби тэптэрии үлэтэ ыытыллыбыт. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.