Орто Халымаҕа кыра суудуна түҥнэстибитинэн бэрэбиэркэ ыытыллар

Дьокуускайдааҕы тырааныспар борокуратуурата Орто Халыма улууһугар  кыра кээмэйдээх суудуна түҥнэстиитинэн бэрэбиэркэни тэрийдэ. Бу туһунан Дьокуускайдааҕы тырааныспар борокуратуурата иһитиннэрэр.

Барыллаан дааннайынан, 2025 сыл балаҕан ыйын 4 күнүгэр Орто Халыма улууһугар Орто Халыма куораттан 282 км аллараа Халыма өрүскэ кыра суудунанан икки киһи айаннаан иһэн түҥнэстибит.

Быһылаан тахсыбыт сиригэр силиэстийэлиир бөлөх уонна быыһааччылар бардылар. Дьокуускайдааҕы тырааныспар борокуратуурата бу түбэлтэнэн бэрэбиэркэни ыытар.