Тохсунньу 23-24 күннэригэр Орто Халыматааҕы судаарыстыбаннай экологическай кэтээн көрүү иниспиэктэрэ Зинаида Данилова, тулалыыр эйгэ харыстабылын иниспиэктэрэ Василий Попов уонна «Халыма» айылҕа пааркатын инсипиэктэрэ Мотрена Калачева 2-3-с кылаас оҕолоругар, барыта 40-ча оҕоҕо экологическай уруок ыыттылар.
Кэнники күннэргэ турар томорон тымныылар улахан хоромньуну таһаараллар уонна кыстыыр көтөрдөргө ыарахаттары үөскэтэллэр. Социальнай ситимнэртэн да көрдөххө, Саха сирин араас улуустарыгар тоһуттар тымныыттан кыыл, көтөр тоҥон өлөрө элбэх. Өлүү сүрүн биричиинэтинэн халлаан аһара тымныйан, көтөрдөр кыайан ас булунан аһаабаттарыттан тахсар диэн Орто Халыматааҕы судаарыстыбаннай экологическай кэтээн көрүү иниспиэксийэтэ иһитиннэрэр.
Ол иһин иниспиэктэрдэр көтөрдөрү быыһыырга оҕолору көмөлөһүннэрэр сыалтан, аһыыр сир хайдах оҥоһуллуохтааҕын, көтөр тугу аһыырын кэпсээтилэр. Маннык үлэ оҕону тулалыыр эйгэни харыстыырыгар, өйө-санаата сайдарыгар уонна аһыныгас, үтүө санаалаах киһи буолан үүнэн тахсарыгар олук буолуо.
Акция чэрчитинэн тэрийээччилэр викторина ыыттылар, кыстыыр көтөрдөр, ойуурга хайдах сылдьар, бөҕү-саҕы хайдах хомуйар, баһаарынай өттүнэн сэрэхтээх буолуу туһунан кэпсээтилэр.
Уруок бүтүүтэ оҕолорго «Чудная планета – Колыма!» төрөөбүт дойдуларын кэрэ айылҕатын туһунан Иван Белоногов киинэтин көрдөрдүлэр.
Саха сиригэр ойуурга уот турар кутталлаах кэмигэр хаһааҥҥытааҕар даҕаны сэрэхтээх буолуу ирдэнэр. Ыксаллаах түгэн үөскээтэҕинэ,…
Ааспыт өрөбүллэргэ Росгвардия үлэһиттэрэ Саха сиригэр ирдэбилгэ сылдьар үс киһини туттулар. Икки киһи байыаннай борокуратуура…
Донецкай норуодунай өрөспүүбүлүкэ Еленовка бөһүөлэгэр Култуура дьиэтин үөрүүлээх аһыллыыта буолла. Манна Саха сирин артыыстара кыттыыны…
Суолу баттаһа оттугунан-уматыгынан хааччылыы хоту улуустарга тыын боппуруоһунан буолар. Аллайыаха улууһун Быйаҥныыр нэһилиэгэр хомунаалынай хаһаайыстыбаҕа…
Дьокуускайга ыам ыйын 10 күнүгэр элбэх кыбартыыралаах дьиэ тохсус этээһиттэн түөрт саастаах уол оҕо сууллубута.…
СӨ экологияҕа министиэристибэтэ Дьааҥы улууһугар ойуур баһаардарыттан уустук балаһыанньа буолбутунан сибээстээн, булт сезонун тохтотор туһунан…