Орто Халымаҕа кыыл табаны сокуоннайа суох бултаабыт эр киһини сууттаатылар

Олохтоох киһи көҥүллүүр докумуона суох, Эбээх сэлиэнньэтиттэн 30 км тэйиччи Талыкаан диэн сиргэ үс кыыл табаны бултаабыт. Булт ресурсаларыгар оҥоһуллубут хоромньу 90 тыһыынча солкуобайга тэҥнэспит.

Суут буруйун билиммитин уонна хоромньуну толуйбутун ылынан, эр киһини хамнаһыттан 5% кээмэйин тутарга уонна биир сыл усулуобунайдык эбэһээтилинэй үлэни анаата. «Буран» снегоход судаарыстыба туһатыгар былдьанна. Бириигэбэр сокуоннай күүһүгэр киирдэ, диэн СӨ Борокуратууратын пресс-сулууспата иһитиннэрэр.