Хаартыска: Саха сирин Быыһыыр сулууспата.
Олунньу 23 күнүгэр Орто Халыма улууһугар быыһааччылар буурҕаҕа түбэһэн, тибиигэ хаайтарбыт, кыра оҕолоох дьахтары быыһаатылар.
Сарсыарда Быыһыыр сулууспа төлөпүөнүгэр иһитиннэрии кэлбитэ: Орто Халыма улууһун Сылгы Ыытар дэриэбинэтиттэн түүн 12 чаас саҕана икки пассажирдаах (дьахтар уонна кини икки саастаах оҕото) массыына айаннаабыт эрээри, Орто Халыма куоратыгар тиийэн кэлбэтэх.
Саха сирин Быыһыыр сулууспатын Халыматааҕы көрдүүр-быыһыыр этэрээтин быыһааччылара вездеходка олорон, тута көрдүү барбыттар.
Таһаҕас тиэйэр массыынаны кинилэр «Алыбино» диэн сиргэ турарын булбуттар. Дьон туруга үчүгэй, мэдиссиинэ көмөтүгэр наадыйбатахтар.
Олунньу 22 күнүгэр дьахтар сиэнин кытта таһаҕас массыынатыгар олорсон, куоракка барсыбыттар. Буурҕаттан сылтаан, суолларын тибэн, салгыы айанныыр кыахтара суох буолан, суолу ыраастыыр массыына кэлэрин кэтэһэн олорбуттар. Кинилэри кытта өссө 4 массыына кэтэһэн олорор эбит.
Быыһааччылар оҕону уонна дьахтары вездеходунан Орто Халыма куоратыгар аҕалан биэрбиттэр. Суоппардар массыыналарын хаалларартан аккаастаммыттар, салгыы суолу ыраастыыр массыынаны кэтэһэ хаалбыттар. Быыһааччылар кинилэргэ бородуукта хаалларбыттар.
Саха сирин Быыһыыр сулууспата айанныах иннинэ күн-дьыл туругун билсиһэргэ ыҥырар. Ыраах айаҥҥа массыынаны көрүнэн, алдьанар түбэлтэтигэр өрөмүөннүүр кэмпилиэги илдьэ сылдьан, ичигэс таҥаһынан, ас саппааһынан, испиискэнэн, сибээһинэн хааччынаргытыгар сүбэлииллэр. Чугас дьоҥҥутугар хаһан хоҥнубуккутун, ханна, хаска тиийиэхтээххитин биллэрэргит ордук.
Быыһыыр сулууспа нүөмэрэ — «112», эбэтэр, 8 (4112) 45-90-19.
Өрүстэр муустара эстэн, ыксаллаах быһыы-майгы үлэһиттэрэ, тустаах тэрилтэлэр суһал бөлөхтөрө мууһу кэтиир-маныыр үлэлэрэ саҕаланна. Мууспут…
Аҕыйах хонуктааҕыта Үҥкүр уонна Өлүөхүмэ куорат икки ардынан суол кытыытынан оҕолордоох эһэ сылдьар, сэрэхтээх буолуҥ…
Ыксаллаах быһыы-майгы министиэристибэтин дааннайынан, өрөспүүбүлүкэҕэ барыта 116 гектар иэннээх сэттэ ойуур баһаара баара бэлиэтэммит. Бу…
Бүгүн, ыам ыйын 13 күнүгэр, өрөспүүбүлүкэ хотугулуу-арҕаа улуустарыгар, Өлүөнэ аллараа тардыытынан уонна киин улуустарга сөҥүүтэ…
Сылын ахсын ыытыллар ыам ыйын 9 күнүгэр Аҕа дойду Улуу сэриитин Кыайыытын уһансыбыт буойуттар ааттарын…
– Хапытаалынай өрөмүөҥҥэ иэстээхтэри кытта хайдах үлэлэһэҕит? Суукка ыытаҕыт дуу? С.Алексеева. “СӨ Элбэх кыбартыыралаах дьиэлэри…