Ил Дархан, бырабыыталыстыба дьаһалтатын пресс-сулууспата.
Ил Дархан Айсен Николаев сааскы халаан уута куттала суох ааһарыгар туһуламмыт мунньаҕы Орто Халыматтан ыытта. Былырыын Орто Халыма сэлиэнньэлэрин уу ылан, кутталы үөскэппитэ.
— Халыма өрүскэ халаан өрүү судургута суохтук ааһар. Зырянкаттан Орто Халымаҕа тиийэр учаастакка харгыс үөскээн, саамай уустук учаастак буолар. Ону учуоттаан, муниципальнай, эрэгийиэннээҕи, өрөспүүбүлүкэтээҕи сулууспалар бары бииргэ үлэлиэхтээхтэр. Халаан кэмигэр балаһыанньа мүнүүтэ иһигэр уларыйар. Биир сүрүннээх үлэттэн, суһал быһаарыныылары ылынартан халаан этэҥҥэ ааһара тутулуктаах. Үлэ былаанын оҥорон, билиҥҥиттэн саҕалыахха наада, — диэн Айсен Николаев эттэ.
2018 сыллаахха манна олус улахан халаан буолбута. Орто Халыма, Налимскай, Арҕахтаах, Сыбаатай, Березовка сэлиэнньэлэрэ ууга барар кутталлаахтар. Муус устар 14 күнүгэр өрүстэр хаһан эстэллэрин билгэтэ тахсыаҕа. Барыта күн-дьыл хайдах буоларыттан тутулуктаах диэн УГМС начаалынньыгын солбуйааччы Татьяна Маршалик эттэ.
Халыма өрүскэ харгыс тахсыан сөптөөх сирдэргэ мууһу чарааһатыы үлэтэ Үөһээ Халыма уонна Орто Халыма улуустарыгар ыытыллар. Мууһу хараардыы үлэтэ муус устар 5 күннэриттэн ыам ыйын 5 күннэригэр ыытыллар. Орто Халымаҕа уонча сылы быһа биэс учаастакка итинник үлэ ыытыллара көдьүүстээҕэ көһүннэ.
Ону тэҥэ, Магадан уобалаһыгар баар Халыматааҕы ГЭС уута ыытылларыттан эмиэ тутулуктаах. Бу ГЭС билигин электроэниэргийэни эрэ оҥорор, быйыл уутун эрдэ ыыппат.
Быйыл Саха сиригэр 24 улууска 123 нэһилиэнньэлээх пуун ууга барар куттала баар. Халаан уута этэҥҥэ ааһарыгар 200 мөлүйүөн кэриҥэ үп-харчы көрүлүннэ. Мантан 120 мөлүйүөн солкуобай – өрөспүүбүлүкэ бүддьүөтүттэн, 70 мөлүйүөн солуобай – федеральнай бүддьүөттэн. Ону тэҥэ, 255 мөлүйүөн солкуобай резервэ мунньуллубут.
Сааскы халаан кэмигэр 16 тыһыынчаттан тахса киһи, 3309 тиэхиникэ, 556 уу тиэхиникэтэ, 24 салгын аала, ол иһигэр 8 беспилотник үлэлиэхтэрэ. 183 гидропост, “Роскосмос” корпорация мобильнай пууна үлэлиэҕэ.
Ил Дархан, бырабыыталыстыба дьаһалтатын пресс-сулууспата.
Сунтаар улууһугар итирик туруктаах уруулга иккиһин олорбут олохтоох дьахтарга суут бириигэбэрин таһаарда. Дьахтар ити иннинэ…
Биэнсийэни анааһыҥҥа ийэлэр бары оҕолорун көрбүт кэмнэрин ахсаанынан хааччахтааһына суох учуоттуур буолуохтара. Бу хос ааҕыы…
Саха сиригэр суукка иһигэр 3 буруйу оҥоруу тахсыбыта бэлиэтэннэ. Бу туһунан СӨ Борокуратууратын пресс-сулууспата суруйар.…
Бүгүн, ахсынньы 24 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Күн астрономиятын лабораторията ахсынньы 24 күнүнээҕи геомагнитнай хамсааһын сабаҕалааһынын таһаарда. Лаборатория дааннайдарынан, ахсынньы 24 күнэ…
Cаха сирин синоптиктарын сабаҕалааһыннарынан бүгүн, ахсынньы 24 күнүгэр, Арктика кытылынан сорох сиринэн хаардыыр. Бу туһунан…