Орто Халымаҕа кэргэнниилэр ууга түспүттэр

Орто Халымаҕа кэргэнниилэр, 1954 с.т. эр киһи уонна 1950 с.т. дьахтар балыктыы барбыттар.

Алтынньы 16 күнүгэр 17:15 м. Быыһыыр сулууспаҕа дьуһуурунайга Орто Халыма көрдүүр-быыһыыр этэрээтин начаалынньыгыттан  А.М.Тарасовтан иһитиннэрии киирбит. Сыбаатайтан 23 км. сиргэ икки киһи ууга түспүттэрин туһунан.

Алтынньы 9 күнүгэр кинилэр учаастакка илимнэрин көрө, балыктыы барбыттар. Алтынньы 16 күнүгэр уоллара кинилэри көрсө барбыт уонна тыллаабыт. Муус алдьанан бураннарынан онно түспүт буолуохтарын сөп диэн сабаҕалыыллар.

Бүгүн, алтынньы 17 күнүгэр, 9.34  ч. быһылаан буолбут сиригэр түөрт киһи барбыт — үс аймахтара уонна биир дьаһалта үлэһитэ.

СӨ Быыһыыр сулууспатын саайтыттан