Хаартыска: СӨ Бырабыыталыстыбатын пресс-сулууспата.
Орто Халыма куоракка саҥардыллыбыт Кыайыы болуоссатын үөрүүлээхтик астылар. Бу туһунан СӨ Ил Дарханын иһинэн үлэлиир архитектура управлениета иһитиннэрдэ.
100 мөлүйүөн солкуобай граннаах бырайыак Уһук Илиҥҥи эрэгийиэннэр икки ардыларыгар табыгастаах куорат эйгэтин тэрийиигэ бастыҥ бырайыактар Бүтүн Арассыыйатааҕы куонкурустарын иккис түһүмэҕин кыайыылааҕа. Уопсастыбаннай эйгэни тупсарыы ааптара — NOMADO архитектурнай бюро. Бырайыак чэрчитинэн, болуоссат иэнэ 200 кв.м. 2000 кв.м. диэри кэҥэтиллибит. Т-34 тааҥка пааматынньыга туруоруллубут, сынньанар сир, оҕо былаһаакката, аныгы кыра архитектурнай оҥоһуктар уонна өйдөбүнньүк үйэлээх уоту сирэйдиир (вечный огонь) инсталляция архитектураҕа киирбит. Тыал хайысхатыттан тутулуктанан эргийэр үрдүк систээх ыскаамыйалар эмиэ бааллар, кэннилэригэр Халыма олохтоохторун хоһоонноро суруллубут.
Ааптардар бэлиэтииллэринэн, искибиэр Халыма өрүс үрдүгэр турар болуоссат араас омук дьоно эйэлээхтик бииргэ олорор хоту сир кыра куоратын ураты ис хоһоонноон көрдөрөр.
“Сыл аайы манна элбэх киһи мустан муус ааһарын көрөөрү, Эбэни аһатар. Манна араас тэрээһиннэри ыытар былааннаахпыт, Ол курдук, “Халыма өрүс күнэ”, “Муус устар күнэ” тэрээһиннэргэ анаан оҥоһуллубут “смотровой” дэнэр былаһааккаҕа үгүс киһи сөбүлээн сылдьыаҕа”, — диэн санаатын үллэһиннэ Орто Халыма куорат баһылыга Ксенофонт Кривошапкин.
Дьокуускай куорат 1 №-дээх полициятын отделын дьуһуурунай чааһыгар олохтоох киһи уоруу туһунан сайабылыанньа түһэрбит. Биллибэт…
Эрдэ, атырдьах ыйын 18 күнүгэр киэһэ Ньурба улууһугар 2010 с.т. оҕо пиэрмэҕэ матасыыкылынан баран иһэн…
«Сахатранснефтегаз» АУо генеральнай дириэктэрэ Алексей Колодезников бүгүн Чурапчы улууһугар үлэлээтэ. Кини улуус баһылыга Степан Саргыдаевы…
Бүгүн, атырдьах ыйын 19 күнүгэр, Дьокуускай куоракка "Движение первых" хамсааһын настаабынньыктарын эрэгийиэннээҕи сэминээрдэрэ буолла. Бу…
Кабачок саҕа түргэнник үүнэр, олус битэмииннээх оҕуруот аһа суоҕун кэриэтэ. Биһиги эһиэхэ кабачоктан барыанньа, лечо…
Бу сарсыарда 05:00 саҕана Дьокуускайга СӨ Суолга куттал суох буолуутун судаарыстыбаннай иниспиэксийэтин бөлөҕөр Богатырев уулуссатыгар…