Орто Халымаҕа табаһыттары быыһаатылар

От ыйын 19 күнүгэр СӨ Быыһыыр сулууспатыгар Орто Халыма улууһугар, Туманнаах диэн табаһыттар сайыҥҥы олорор сирдэриттэн 1,5 км сиргэ ойуур баһаара туран, суһаллык түөрт киһини эвакуациялыыр туһунан иһитиннэрии киирбитэ.

СӨ Быыһыыр сулууспата иһитиннэрбитинэн, бэҕэһээ 1970 уонна  1982 сыллардааҕы төрүөх икки эр киһини итиэннэ  икки оҕону эвакуациялаатылар. Быыһыыр эпэрээссийэни  Халыматааҕы быыһыыр-көрдүүр сулууспа  быыһааччыта Туйаара Тарасова салайда.