Орто Халымаҕа тыаҕа муммут дьахталлары быыһаатылар

«Полярные авиалинии» хампаанньа Ми-8 бөртөлүөтүн экипааһа тыаҕа муммут икки аҕам саастаах дьахтары быыһаата. Бу туһунан хампаанньа пресс-сулууспата иһитиннэрэр. 

Балаҕан ыйын 3 күнүгэр Орто Халымаҕа Ми-8 бөртөлүөт экипааһа (хамандыыр Артем Филиппов, иккис пилот Иван Пивченко уонна бортмеханик Александр Миняев) 79 уонна 84 саастаах муммут дьахталлары көрдөөһүҥҥэ үлэлээтэ. Балаҕан ыйын 1 күнүгэр Арыктаах сэлиэнньэтин олохтооҕо икки дьахтар сир астыы тахсан баран төннүбэтэхтэр. Ол киэһэ сэлиэнньэ олохтооохторо кинилэри көрдөөн саҕалаабыттар.

Дьахталлары булбатахтар, ол иһин Быыһыыр сулууспа «Полярные авиалинии» хампаанньа бөртөлүөтүн туһанарга быһаарыммыт.

— Сарсыарда Орто Халыматттан Зырянкаҕа тиийбиппит, саппыраапкаланан баран Уһун Күөл сэлиэнньэ эҥэр көппүппүт, — диэн Артем Филиппов кэпсиир. — Үс чаас устата сэлиэнньэттэн 10 км ыраах сиргэ сүппүт дьону үөһээттэн көрдөөбүппүт. Онтон эбии саппыраапкаланан баран иккистээн көппүппүт.

Бу кэмҥэ сиргэ көрдүүр бөлөх дьахталлары булбуттарын туһунан уонна кинилэри тыаттан түргэнник таһаарыахха наадатын туһунан иһитиннэрии киирбит. Экипаж дьахталлары ылан Зырянкаҕа диэри тиэрдибит.