Орто Халымаҕа тыатааҕы саба түһүүтүттэн эр киһи суорума суолланна

Орто Халыма оройуонун Арҕахтааҕар иэдээннээх быһылаан таҕыста. Тыатааҕы эр киһиэхэ саба түһэн өлөрбүт.

Бу туһунан Орто Халыма улууһун баһылыга Иван Лаптев телеграм-ханаалыгар таһаарбыт: «Арҕахтаах олохтоохторо, тыатааҕы саба түһүүтүттэн киһи суорума суолланна. Сэрэхтээх буолуҥ, тыаҕа тахсымаҥ.»

Улуус баһылыга тыатааҕы саба түһүүтүттэн суорума суолламмыт эр киһи чугас дьонугар, аймахтарыгар кутурҕанын биллэрбит.