Орто Халымаҕа уонна Эдьигээҥҥэ урбаан кииннэрэ аһыллыахтара

Сыл бүтүөр диэри “Мин биисинэһим” диэн урбаанньыттары өйүүр кииннэр Орто Халыма уонна Эдьигээн оройуоннарыгар аһыллыахтара.

Уопсайа маннык кииннэр өрөспүүбүлүкэ 22 оройуоннарыгар уонна Дьокуускай куоракка аһыллан үлэлииллэр. Кииннэргэ бары өҥө босхо оҥоһуллар, диэн эригийиэннээҕи Ил Дархан уонна бырабыыталыстыба пресс-киинэ иһитиннэрэр.

«Мин урбаанньыттарга маннык уустук кэмҥэ дьоһуннаахтык үлэлииллэригэр махталбын тиэрдэбин. Биһиги дьоҕус биисинэһи өрүү өйөөбүппүт, өйүөхпүт даҕаны. Бу үлэ кэлэр сылга эмиэ салҕаныаҕа, диэн Ил Айсен Николаев бэлиэтээбитэ.

Эһиилги сылга өрөспүүбүлүкэҕэ өссе түөрт диэн киин аһылыаҕа.

2022 сылга “Мин биисинэһим” урбаанньыттарга, бэйэ дьыалатынан дьарыктанар эбэтэр саҥа сүүрээннэри олоххо киллэриэн баҕалаах дьоҥҥо анаан 23 тыһыынча анал сүбэни оҥордо. Ыытыллыбыт 600 араас сэминээрг, вебинарга үс тыһыынчаттан тахса дьоҕус уонна аччыгый биисинэс тэрилтэрин ;лэһиттэрэ уонна түөрт сүүсчэкэ физическэй сирэй кыттыыны ыллылар.

“Аччыгый уонна дьоҕус урбаан” национальнай бырайыагы олоххо киллэрии 2019-2024 сылларга туһаайыллан, кэккэ федеральнай бырайыактары олоххо киллэрэр.

Хаартыска — СИА.