Хаартыска: sakha.gov.ru ылылынна
Бырабыыталыстыба отчуотун кэмигэр үөрүүлээх түгэн буолла. СӨ тутууга миниистирэ Виктор Романов Орто Халыма эдэр ыалларыгар дьиэ сэртипикээттэрин туттарда.
Сэртипикээти ылбыт үс эдэр ыал маны дьиэ ылалларыгар эбэтэр тутталларыгар туһаныахтарын сөп. Былырыын улууска алта эдэр ыал олорор усулуобуйатын тупсарбыт.
2025 сыл тохсунньу 1 күнүнээҕи туругунан өрөспүүбүлүкэҕэ олорор усулуобуйаларын тупсарарга наадыйар 3 001 эдэр ыал бэлиэтэммит. Итинтэн 20 ыала Орто Халыма улууһугар олороллор.
«Хаачыстыбалаах дьиэнэн хааччыйыы» Саха сирин судаарыстыбаннай бырагыраамата олорор дьиэлэрин тупсарыыга наадыйар дьону өйүүргэ туһуланар. Ол чэрчитинэн эдэр ыаллар, кэргэнниилэртэн биирдэстэрэ эбэтэр, төрөппүт 35 сааһын ааһа илик буоллаҕына, ону сэргэ учуокка дьиэ боппуруоһун кыһалҕатынан турар буоллахтарына, дьиэ ыларга эбэтэр туттарга, дьиэ сыанатын 30-35% тиийэ социальнай төлөбүр быһыытынан ылыахтарын сөп.
2024 сыллаахха дьиэ тутталларыгар уонна атыылаһалларыгар социальнай төлөбүрүнэн 34 улуустан 360 эдэр ыал туһаммыт. Төлөбүр уопсай суумата 528 мөл.солк. тэҥнэспит, итинтэн 132 мөл.солк. федеральнай бүддьүөттэн, уоннааҕыта өрөспүүбүлүкэттэн уонна олохтоох бүддьүөттэн.
Быйылгы сылга эдэр ыаллары өйүүргэ 457 мөл.солк. ыытыллыбыт. Итинтэн 131 мөл.солк. тахсата федеральнай бүддьүөттэн уоннааҕыта өрөспүүбүлүкэттэн уонна олохтоох бүддьүөттэн.
Кэнники алта сылга быһа холоон 2,4 тыһ.эдэр ыал саҥа дьиэ ылар уонна туттар кыахтаммыт.
СӨ Ил Дарханын уонна Бырабыыталыстыбатын пресс-сулууспата
Быйыл Абый улууһугар Киэҥ Күөлгэ уонна Сыаганнаахха 4G суотабай сибээс ыстаансыйатын тутары былаанныыллар. Бу туһунан…
Аҕа дойдуну көмүскээччи күнүн көрсө Дьааҥы улууһун Баатаҕай орто оскуолатыгар сэргэх тэрээһиннэр ыытыллаллар. Алын сүһүөх кылаастар…
2026 сыл бүтүүтүгэр Абыйга Н.Н.Ефимов аатынан гимназияҕа эбии тутууну үлэҕэ киллэрэри былаанныыллар. Бу туһунан СӨ…
Олунньу 21 күнүгэр Оҕо айымньытын дыбарыаһыгар "Айыы кыһата» национальнай гимназия киин куорат сахалыы тыллаах оскуолаларын…
Аҕа дойдуну көмүскээччи күнүнэн бу күннэргэ байыаннай дьайыыга сылдьар байыастарга анаан тирэх пууннарга бэлэхтэри ыыттылар.…
Аҕа дойдуну көмүскээччи күнүн чэрчитинэн Дьокуускай 13 №-дээх оскуолатыгар байыаннай дьайыыга кытта сылдьан сырдык тыынын…