Салгыы
Орто Халымаҕа ыт оҕоҕо саба түһүүтүн дьыалата көрүлүннэ

Орто Халымаҕа ыт оҕоҕо саба түһүүтүн дьыалата көрүлүннэ

13.02.2024, 12:05
Хаартыска СӨ Борокуратууратын телеграм-ханаалыттан
Бөлөххө киир:

Орто Халыма улууһун борокуратууратын ирдэбилинэн көрүүтэ-истиитэ суох бэйдиэ сылдьар ыттан эмсэҕэлээбит оҕо харчынан моральнай төлөбүр ылыаҕа. Бу туһунан Саха Өрөспүүбүлүкэтин Борокуратуурата телеграм-ханаалга суруйда.

Орто Халыма борокуратуурата 2014 төрүөх оҕоҕо көрүүтэ-истиитэ суох ыт саба түһүүтүн чахчытын бэрэбиэркэлээтэ. Түмүгэр Орто Халыма улууһун дьаһалтата сокуон ирдэбилин толорботоҕуттан, 2023 сыл сэтинньитигэр көрүүтэ-истиитэ суох, бэйдиэ сылдьар ыттан оҕо эмсэҕэлээбитэ быһаарылынна.

Сокуоннай саастарын ситэ илик оҕолор бырааптарын көмүскүүр сыалтан борокуратуура ыт саба түһүүтүн төрүөтүгэр улуус дьаһалтатыттан моральнай харчынан кэмпэнсээссийэ боруостууругар суукка үҥсүү түһэрдэ.

Борокуруор ирдэбилэ толоруллан, олохтоох дьаһалта оҕоҕо 50 тыһ. солк. суумалаах моральнай эмсэҕэлээһини сабыы быһыытынан ыытара быһаарылынна.

Суут быһаарыыта сокуоннай күүһүгэр киирэ илигинэ, дьыаланы өрүттэр утарсыахтарын сөп.

+1
4
+1
0
+1
0
+1
0
+1
0
+1
0
+1
0
Бары сонуннар
Салгыы
21 апреля
  • 6°C
  • Ощущается: 3°Влажность: 45% Скорость ветра: 4 м/с

Сообщить об опечатке

Текст, который будет отправлен нашим редакторам: