Орто хамнас 125 тыһыынчаҕа тэҥнэстэ

Саха сиригэр 2024 сылга орто хамнас 125 207 солкуобайга тэҥнэстэ. Бу туһунан «СахаСтат» иһитиннэрэр.

2023 сылга орто хамнас 110 230 солкуобай этэ. Онон сыл устата ортотунан 15 тыһыынча солкуобайынан үрдээбит эбит.  Оттон Арассыыйаҕа 2024 сылга орто хамнас 87 952 солкуобайга тэҥнэһэр.

Саамай үрдүк хамнаһы ханнык эйгэҕэ ылалларый?

• сир баайын хостооһун — 194 922,0 солкуобай;
• таһаҕаһы тиэйии, харайыы  — 137 301,0 солкуобай;
•  финансовай, страховой эйгэҕэ — 135 450,5 солкуобай;
• идэтийбит, научнай, тэхиньиичэскэй эйгэҕэ — 134 659,6 солкуобай;
• тутуу — 131 952,2 солкуобай.

Орто хамнас — өрөспүүбүлүкэ туох баар үлэһитин хамнаһын эбэн баран, сууматын үлэһит ахсааныгар түҥэтиллэр.