Орто наахараларга быыбары хайдах ыытары үөрэттилэр

Ленскэйдээҕи территориальнай быыбардыыр хамыыһыйа атырдьах ыйын 28 күнүгэр Орто Наахара нэһилиэгин учаастактааҕы быыбардыыр хамыыһыйаларыгар түмүктүүр үөрэх сэминээрин ыытта.

Манна хас да боппуруоһу көрдүлэр:  УИК дьиэтигэр болдьоҕун иннинэ кэлэн куоластааһын, куоластааһын күнэ, атын сиргэ сылдьан куоластааһын, быыбардааччылар испииһэктэрэ уонна быыбар түмүгүн быһаарыы. Хас биирдии тиэмэ кэнниттэн ылбыт билиилэрин бөҕөргөтөн тургутуктары толордулар.

Санатан суруйдахха, балаҕан ыйын 14 күнүгэр Орто Наахара нэһилиэгэр (Орто Наахара уонна Чамча сэлиэнньэлэрэ) нэһилиэк баһылыгын быыбара буолар. Бүлүтүөҥҥэ икки хандьыдаат баар, диэн иһитиннэрэр Быыбар киин хамыыһыйатын тг-ханаала.