Орто үөрэххэ 11 саҥа идэ аһылынна

Кэлэр 2023-2024 үөрэх дьылыгар өрөспүүбүлүкэтээҕи орто анал үөрэх тэрилтэлэрэ докумуоннары бэс ыйын 20 күнүттэн тутан  саҕалаатылар. Ханнык саҥа идэлэр аһыллаллар? Бүддьүөт миэстэтэ төһөнүй?

СӨ Үөрэҕин уонна билимин министиэристибэтигэр иһитиннэрбиттэринэн, кэлэр үөрэх дьылыгар өрөспүүбүлүкэ бүддьүөтүттэн барыта 6712 миэстэ көрүллүбүт (ол иһигэр СӨ Үөрэҕин уонна билимин министиэристибэтигэр — 6238, СӨ Култууратын уонна духуобунай сайдыытын министиэристибэтигэр — 224, СӨ Физическэй култууратын уонна успуордун министиэристибэтигэр – 40, СӨ Инновацияҕа, цифровой сайдыыга уонна инфокоммуникационнай технологияларга министиэристибэтигэр – 200 миэстэ.

11-с кылаас кэнниттэн туттарсааччыларга 2987, 9-с кылаас кэнниттэн киирээччилэргэ 3655, кэтэхтэн үөрэххэ 70 миэстэ тыырыллыбыт. “Кэлиҥҥи үс сылга орто анал үөрэххэ аан бастакытын 290 миэстэ эбилиннэ”, — диэн министиэристибэҕэ иһитиннэрдилэр. Онон бүтүн 290 оҕо үөрэххэ эбии киирэригэр кыах бэрилиннэ.

Абитуриеннар докумуоннарын үөрэх тэрилтэтигэр миэстэтигэр кэлэн эбэтэр судаарыстыбаннай өҥө https://www.gosuslugi.ru/ порталынан ыытыахтарын сөп.

Быйыл орто үөрэххэ маннык саҥа идэлэр аһыллаллар:

1. 09.01.03 оператор информационных систем и ресурсов,
2. 38.01.01 оператор диспетчерской (производственно-диспетчерской) службы,
3. 23.01.09 машинист локомотива,
4. 08.02.04 водоснабжение и водоотведение,
5. 21.02.17 подземная разработка месторождений полезных ископаемых,
6. 21.01.15 электрослесарь подземный,
7. 29.01.07 портной,
8. 42.02.01 реклама,
9. 53.02.08 музыкальное звукооператорское мастерство,
10. 54.02.08 техника и искусство фотографии,
11. 25.02.08 эксплуатация беспилотных авиационных систем.

Маннык докумуоннар ирдэнэллэр:

1. Сайабылыанньа
2. Пааспар
3. Үөрэх туһунан докумуон уонна (эбэтэр) үөрэх уонна квалификация туһунан докумуон
4. Хаартыска 4 устуука.

Санатан эттэххэ, орто үөрэххэ туттарсааччылартан докумуоннары атырдьах ыйын 15 күнүгэр диэри, эбии туругутуулар ирдэнэр идэлэригэр атырдьах ыйын 10 күнүгэр диэри туталлар. Ол эрээри, үөрэх тэрилтэтэ быһаарыытынан, тутар хамыыһыйа сэтинньи 25 күнүгэр диэри үлэлиэн сөп. Үөрэххэ туттарсыынан ыйытыылаах дьон 8(4112)50-60-44 төлөпүөнүнэн чопчулаһыҥ.