Хаартыска: үлэ, социальнай сайдыы министиэристибэтэ.
Бырабыыталыстыба бэрэссэдээтэлин солбуйааччы Георгий Степанов, үлэ, социальнай сайдыы миниистирэ Елена Волкова уонна доруобуйа харыстабылын миниистирин солбуйааччы Любовь Бурнашева «Ортомед+» тэрилтэҕэ сырыттылар.
«Ортомед+» тэрилтэ инбэлииттэргэ, анал байыаннай дьайыы кыттыылаахтарыгар быратыас оҥорор, сыллата 500-тэн тахса быратыаһы оҥорон таһаарар кыахтаах. Быратыас киһиэхэ анаан-минээн оҥоһуллар, онон өҥөнү тиһэҕэр диэри оҥороллор: консультацияттан саҕалаан, быратыаһы оҥорууга, кэтэргэ, хаамарга үөрэтиигэ, доруобуйаны кэтээн көрүүгэ, быратыаһы өрөмүөннүүргэ тиийэ.
Тэрилтэҕэ 11 куойка баар, манна балыыһаҕа курдук сытан эрэ быратыаһы кэтэргэ үөрэнэллэр, эрчиллэллэр. Оттон оҥорон таһаарар сыахха үлэ күөстүү оргуйар. Кэнники кэмҥэ эбии 20 куойкалаах стационар тутулла турар, оҥорон таһаарар сыаҕы кэҥэтэллэр.
«Ортомед+» тэрилтэҕэ сылдьан баран, өҥөнү оҥоруу үрдүк хаачыстыбалааҕын, сайдар, кэҥиир кыахтаахтарын бэлиэтээтилэр. Кэнники кэмҥэ маннык тэрилтэлэр үлэлэрэ олус наадалаах буолла. Анал байыаннай дьайыы кыттыылаахтарын доруобуйалара чөлүгэр түһэригэр, эйэлээх олоххо төннөллөрүгэр кинилэр үлэлэрэ олус суолталаах. Бу боппуруоһу бырабыыталыстыба инники күөҥҥэ тутар.
Подробнее: https://mintrud.sakha.gov.ru/news/9078
Сулустар тугу сипсийэллэр? Эйигин туох күүтэрий? ХОЙ Эниэргийэҥ муҥутуур чыпчаалга тиийэн сылдьар. Онон кэлэр нэдиэлэҕэ,…
Саха сиринээҕи УГМС саайта иһитиннэрбитинэн, бүгүн, атырдьах ыйын 1 күнүгэр, өрөспүүбүлүкэ хотугулуу-илин өттүгэр, соҕуруу оройуоннарыгар,…
“Саха сирэ – Дьоруойдар дойдулара" каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын…
Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө” диэн уопсастыбанньыктар пуорумнара ыытыллар. Бу…
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…
Бу күннэргэ оройуоҥҥа доруобуйа харыстабылын министиэристибэтиттэн эмчиттэр бөлөхтөрө үлэлии сылдьар. Бу туһунан улуустааҕы"Хотугу сардаҥа" хаһыат…