ОСАГО полиһын аҥаара толуйуллар

Инбэлиит дьоҥҥо уонна инбэлиит оҕо сокуоннай бэрэстэбиитэллэригэр ОСАГО полиһын төлөбүрүн 50%-нын Социальнай пуонда Саха сиринээҕи салаата толуйар. 

Бу төлөбүр сыл устата биир эрэ тырааныспарга оҥоһуллар. Төлөммүт страховка сууматын аҥаарын төнүннэрэллэр.

Бу төлөбүрү ыларга гражданин реабилитацияланар тус бырагырааматыгар (ИПРА) тырааныспарга наадыйар диэн ыйыллыбыт буолуохтаах. Страховой полиска үстэн элбэх суоппар ыйыллыбат (инбэлиит киһини, эбэтэр, сокуоннай бэрэстэбиитэли киллэрэн туран).

Сороҕор өҥөнү оҥорорго эппиэтинэстээх тэрилтэлэр тустаах сибидиэнньэни федеральнай информационнай баазаҕа, ол иһигэр Инбэлииттэр федеральнай реестрдэригэр (ФРИ) ыыппыт буоллахтарына, сайабылыанньа суруйар ирдэммэт.

Сибидиэнньэ ыытыллыбатах буоллаҕына, инбэлиит киһи, эбэтэр, оҕо бэрэстэбиитэлэ (төрөппүтэ, эппэкиинэ) «Госуслуги» портал нөҥүө, Элбэх өҥөнү оҥорор кииҥҥэ уонна Социальнай пуонда салаатыгар тиийэн, сайабылыанньаны биэриэн сөп.