Хаартыска: sakha.gov.ru
Саха сиригэр «Демография» национальнай бырайыак чэрчитинэн барыта 5,7 млрд солкуобай суумалаах биэс эрэгийиэннээҕи бырайыах олоххо киирэр. Ол иһигэр «Финансовая поддержка семей при рождении детей», «Содействие занятости женщин — создание условий дошкольного образования для детей в возрасте до трех лет», «Старшее поколение», «Спорт – норма жизни» уонна «Укрепление общественного здоровья» бырагыраамалар бааллар. Бу барыта оҕо төрөөһүнэ элбииригэр, социальнай суолталаах эбийиэктэри тутууга хайысхаланаллар.
«Спорт — норма жизни» эрэгийиэннээҕи бырайыак чэрчитинэн 2021 сыллаахха Горнай улууһун Бэрдьигэстээҕэр элбэх функциялаах спортивнай комплекс тутуллубута. Манна күрэхтэһиилэр, дьарыктар, маассабай тэрээһиннэр ыытыллаллар. Горнай улууһун олохтоохторугар бу эбийиэк олоххо киирбитэ олус суолталаах.
«Өрөспүүбүлүкэҕэ мннык эбийиэктэр тутуллан, дьон успуордунан дьарыктанарыгар уонна чөл олоҕу тутуһарыгар тирэх буолаллар. Биһиги элбэх функциялаах спортивнай комплекспытыгар 1000 миэстэлээх трибуналаах стадион, тренажернай саала, ытар комплекс, спортивнай былаһаакка, успуорт саалата, ипподром баар. Бу саалалартан дойду инники чөмпүйүөннэрэ, баҕар олимпийскай чөмпүйүөннэрэ иитиллэн тахсыахтара. Маннык кыаҕы биэрбиттэригэр дойду бэрэсидьиэнигэр Владимир Путиҥҥа уонна Ил Дархаҥҥа Айсен Николаевка махтанабын», — диэн Бэрдьигэстээххэ баар Өрөспүүбүлүкэтээҕи олимпийскай резервэ спортивнай оскуолатын дириэктэрэ Осип Михайлов кэпсиир.
Кэлэр ый саҕаланыыта Амурскай уобаласка «Демографическое развитие Дальнего Востока и Арктики» диэн Бүтүн Арассыыйатааҕы кэмпириэнсийэ ахсыс төгүлүн ыытыллыаҕа. Тэрээһин туһунан сиһилии: https://prodfo2023.ru/
Ил дархан уонна бырабыыталыстыба дьаһалтатын пресс-сулууспата.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…