Хаартыска Сардаана Стрекаловская тиксэриитэ
Уус Алдан улууһугар А.Р.Халдеева аатынан Бороҕон нэһилиэгин бибилэтиэкэтигэр сэргэх тэрээһин ыытылынна. Бу «Норуоттар икки ардыларынааҕы оскуола бибилэтиэкэлэрин күнүнэн» буолла.
—«Оскуола бибилэтиэкэтигэр кинигэтэ бэлэхтээ» аахсыйа бибилэтиэкэ пуондатын хаҥатар соруктаах ыытылынна. Манна 1-11 кылаас үөрэнээччилэрэ (барыта 99 үөрэнээччи) көхтөөхтүк кытыннылар, барыта 60-ча кинигэ бэлэх быһыытынан туттарылынна. Маны сэргэ оҕолорго аналлаах кинигэлэр быыстапкаларын кэрэхсии, сэргии көрдүлэр. «Оскуола бибилэтиэкэтин күнүн туһунан» кэпсэтии, санааны үллэстии 5 — 8 кылаас үөрэнээччилэригэр ыытылынна, — диэн сырдатар Тумул орто оскуолатын педагог-бибилэтиэкэрэ Сардаана Иннокентьевна Стрекаловская.
Тэрээһиҥҥэ ааҕыыны көҕүлээн, Арассыыйа, тас дойдулар саамай улахан, бастыҥ бибилэтиэкэлэрин туһунан билиһиннэрэр, сырдатар медиа-презентация көрдөрүллүбүт. Бу күн үөрэнээччилэр бибилэтиэкэр идэтин, үлэтин туһунан элбэҕи кэрэхсии, сэргии истибиттэр, ыйытыыларыгар хоруйдары ылбыттар. Тэрээһини тэрийэн ыытыыга 25 үөрэнээччи, учууталлар, биир бастыҥ ааҕааччы, нэһилиэк бибилэтиэкэрэ С.А.Прудецкая, алын сүһүөх кылаас учуутала Р.Е.Софронова көхтөө кыттыыны ылбыттар.
Манна даҕатан эттэххэ, бибилэтиэкэ үлэһиттэрэ оҕолор болҕомтолорун тардар, кинигэҕэ тапталы күүһүрдэр соруктаах араас тэрээһиннэри, ааҕыылары, күрэхтэһиилэри, бибилэтиэкэ уруоктарын, хаһыакка сурутууну эмиэ тэрийэн ыыталлар.
Хаартыскалар Сардаана Стрекаловская тиксэриилэрэ
Ааһан эрэр сыл ахсынньы 18 күнүгэр "Ника" банкеттыыр саалаҕа "Ситим" өрөспүүбүлүкэ көҥүл суруйааччыларын сойууһун уопсастыбаннай…
Ийэ айылҕабыт бэйэтэ анаан үүннэрэр эмтээх отун-маһын көдьүүстээхтик туһаныы билиҥҥи кэмҥэ ордук суолталанна. Бүгүн ааҕааччыларбытыгар…
Уус Алдаҥҥа Бэрт Ууһугар (баһылык И.П.Ильин) нэһилиэккэ дьоҥҥо-сэргэҕэ тиэйэргэ диэн анаан муус ылан бэлэмнээн кэбиһэр үтүө үгэстээхтэр.…
81 сыл буолан баран, эһээтин уҥуоҕун булбут байыас Валерий Петровка байыаннай сулууспа диэн тус…
Бүгүн субуота, сынньалаҥ үтүө күнэ. Ыксаабакка, сүүрбэккэ-көппөккө, дуоһуйа сынньаныҥ. Чугас дьоҥҥут аттыгар буолуҥ, сүрэххит этэрин…
Бу күннэргэ күн-дьыл туруга хайдаҕый? Соҕуруулуу-арҕаа, илин улуустарга, Халымаҕа, Өймөкөөҥҥө кыра хаардаах буолара күүтүллэр. Арктика…