Оскуола оҕолоро байыастарга көмөлөһөллөр

Бүгүн Дьокуускай куорат Н.О. Кривошапкин аатынан 5-с №-дээх орто оскуолатын иитэр үлэҕэ уонна оҕо уопсастыбаннай хамсааһыннарын кытары үлэҕэ дириэктэр сүбэһитэ Сардана Власьевна Петрова салайыытынан 5 «Г», 5 «Б» кылаастар оҕолоро байыаннай дьайыыга сылдьар байыастарга анаан бэйэлэрин сэмэй көмөлөрүн, саллааттарга суруктарын «Боевые шелкопряды» хамсааһын филиалыгар аҕалан туттардылар.

Дьокуускай куорат 5-с №-дээх орто оскуолатын үөрэнээччилэригэр уонна төрөппүттэригэр ис сүрэхпититтэн махтанабыт. Аҕа дойдуларын көмүскүү сылдьар биһиги уолаттарбытыгар үтүө санаалара, суруктара күүс-көмө, харысхал, истиҥ илдьит буолан тиийдин. Оҕолорбут барахсаттар кыайыы кынаттанан этэҥҥэ чөл туруктаах, доруобай, тыыннаах эргиллэн кэлэллэригэр баҕарабыт», — диэн салайааччылара Вера Николаевна Егорова уонна бииргэ үлэлиир кэлэктиибэ махтал тылларын этэллэр.
Бу оскуола оҕолоро өссө да көмөлөһө туруохтара диэн эрэнэллэрин биллэрэллэр.

Хаартыска С.В. Петрова тиксэриитэ