«Знаешь? Научи!» куонкуруска кыттыҥ

Арассыыйа эрэгийиэннэригэр киэҥник биллэр «Знаешь? Научи» видео куонкуруһугар кулун тутар 1 күнүгэр диэри сайаапкаларын ыытыахтарын сөп.

Куонкурус үөрэнээччилэр наука эйгэтигэр бырайыактарын билиһиннэрэллэригэр тоҕоостоох. Манна 6-18 саастаах оҕолор кыттыахтарын сөп. Кыттарга оҕо үс мүнүүтэлээх видео устан Атомариум платформаҕа таһаарар. Бастыҥ видеороликтар сыаналаах бириистэринэн уонна үөрэх курустарыгар сэртипикээттэринэн наҕараадаланыахтара.

Эдэр чинчийээччилэр биэс номинацияҕа видеоролик устуохтарын сөп. Ол курдук «Электродвижение», «Синтетические полимеры в медицине и агропромышленном комплексе», «Венекорабельная эра: будущее в космосе»,»Объединенная авиастроительная корпорация» уонна «Дыхание — жизнь».

Маны сэргэ, «Наука » издательство эбии киирбит «Лучший наставник» номинацияны өйүүр. Манна элбэх кыттааччылаах салайааччы тиксиэҕэ. Ол курдук кыайыылаахха «Арассыыйа устуоруйата» академическэй серия кинигэтин бэлэхтиэхтэрэ. Бу таһаарыы 2013 сыллаахтан РФ бэрэсидьиэнэ Владимир Путин көҕүлээһининэн тахсыбыта. Хас биирдии номинацияҕа оҕолору саастарынан үс бөлөххө араарыахтара. Барыта 15 кыайыылаах быһаарыллыа.

«Знаешь? Научи!» куонкурус «Национальные приоритеты», «Атомариум» платформаны кытта кыттыһан тэрийэллэр. «Росатом» өйөбүлүнэн уонна «Молодежь и дети» национальнай бырайыак чэрчитинэн буолар.

Владимир Путин 2022-2031 cc. наука уонна технология сылларынан биллэрбитэ. Бу уон сыл  соруктарынан чинчийии уонна оҥорон таһаарыы, наука эйгэтигэр талааннаах ыччаты үүннэрии, суолталаах соруктары ситииһии дойдуну сайыннарыыга туһуланарын ыйбыта.