РФ Силиэстийэлиир кэмитиэтин Саха сиринээҕи управлениетын хаартыската.
Оскуола үөрэнээччитэ кыыска киһи доруобуйатыгар ыарахан эчэйиини оҥорон холуобунай дьыала тэрилиннэ диэн Саха сиринээҕи сэлиэстийэлиир кэмитиэт иһитиннэрэр.
РФ Силиэстийэлиир кэмитиэтин Саха сиринээҕи управлениетын оройуоннар икки ардыларынааҕы киин сэлиэстийэлиир отделынан 17 саастаах кыыска РФ Холуоубнай кодексын 111 ыст. 1 чааһынан (киһи доруобуйатыгар ыарахан эчэтиини соруйан оҥорон) холуобунай дьыала тэрилиннэ.
Холуобунай дьыала матырыйаалларыттан көрдөххө, кыыс бэйэтин саастыылаахтарын кытары Хаҥалас улууһун Мохсоҕоллоох бөһүөлэгэр баар элбэх кыбартыыралаах олорор дьиэ подъеһыгар сылдьыбыт. Ол сылдьан утатан биир кыбартыыраны тоҥсуйан, астаран, 45 саастаах дьиэ хаһаайкатыттан уу көрдөөбүт.
Дьахтар кыыһы көрүдүөргэ киллэрбит уонна уу аҕалан биэрбит. Оттон оскуола үөрэнээччитэ эмискэ этиһэн турбут даҕаны, хаһаайканы куруусканан сирэйгэ саайбыт. Ол түмүгэр үтүөнү оҥоро сатаабыт дьахтар хараҕар улахан эчэйиини ылбыт.
Ол кэннэ дьахтар мэдиссиинэ тэрилтэтигэр көрдөрөн суһал көмөнү ылбыт уонна тута быраабы араҥаччылааччыларга үҥсүү түһэрбит.
Сэлиэстийэ чэрчитинэн, тахсыбыт быһыы-майгы хайдах буолбут дьиҥэ быһаарыллар, эспиэрдэр силиэстийэни ыыталлар.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…