Оскуола оҕотуттан төлөпүөнү уорбут киһини туттулар

Ис дьыала министиэристибэтин пресс-сулууспата иһитиннэрбитинэн,  Дьокуускай куорат 2 №-дээх полициятыгар   төлөпүөнүн уонна үрүсээгин уордарбыт уол ийэтиттэн  сайабылыанньа киирбит. 

Суһал-ирдиир үлэ түмүгэр, холуобунай ирдэбил үлэһиттэрэ урут сууттана сылдьыбыт  30 саастаах уорбаланааччыны туппуттар.  Ол курдук, уолчаан үөрэх кэнниттэн оскуола таһынааҕы  былаһааккаҕа төлөпүөннээх үрүсээгин күрүө таһыгар хаалларан баран, бииргэ үөрэнэр оҕолорун кытары оонньуу сылдьыбыт.  Уоруйах былаһаакка таһынан ааһан иһэн үрүсээги ылбыт.  Үрүсээк иһигэр смартфон баарын ылбыт уонна суумканы бараҕан кэбиспит.

Билигин РФ Холуобунай Кодексын  158 ыст. 2 чааһынан холуобунай дьыала көбүтүллүбүт.