Оскуола олимпиадаларын ыытыы быраабылата уларыйда

От ыйын 1 күнүттэн «Труд (технология)» биридимиэккэ Бүтүн Арассыыйатааҕы олимпиада «Культура дома, дизайн уонна технология» уонна «Техника, технология уонна техника» хайысхаларынан ыытыллыаҕа. Саҥа быраабыла Үөрэҕирии министиэристибэтин ыам ыйын 10 күнүнээҕи 121 №-дээх бирикээһинэн үлэҕэ киирдэ.

Оттон информатика олимпиадатыгар «Программирование», «Информационная безопасность», «Робототехника» уонна «Искусственный интеллект» курдук саҥа хайысхалар эбиллэн биэрэллэр.

Бу бирикээс үөрэнээччилэр талааннарын сыаналыырга дьүүллүүр сүбэ чилиэттэригэр ирдэбиллэрин чопчулуур. Ол курдук, муниципальнай уонна эрэгийиэннэҕи түһүмэхтэр исписэлиистэрэ үрдүк үөрэхтээх, олимпиада биридимиэтигэр 3 сылтан итэҕэһэ суох үлэлээбит ыстаастаах, интеллектуальнай күрэхтэһиилэри тэрийиигэ уонна ыытыыга уопуттаах буолуохтаахтар.

Олимпиада түмүктүүр түһүмэҕин дьүүллүүр сүбэтин чилиэттэригэр ирдэбил өссө кытаатар — кинилэр олимпиада биридимиэтинэн үлэ ыстаастара 5 сылтан итэҕэһэ суох буолуохтаах. Олимпиада түмүктүүр түһүмэҕин дьүүллүр сүбэ састааба РФ үс субъегыттан итэҕэһэ суох бэрэстэбиитэллэртэн тэриллэр уонна сылын аайы иккитэ уларыйыахтаах.