Хаартыска: СИА
Бэс ыйын 4-8 күннэригэр Дьокуускайга «Спортивные якутяне» Саха сирин үөрэнээччилэрин спартакиадатын финальнай түһүмэҕэ ыытыллыаҕа.
Бэлэмнэнии хаамыытын СӨ Бырабыыталыстыбатын бэрэссэдээтэлин солбуйааччы Сергей Местников салайааччылаах тэрийэр кэмитиэт мунньаҕар көрдүлэр. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Сергей Местников оскуола спартакиадата сылтан сыл элбэх оҕону хабарын бэлиэтээтэ. «Былырыын 69 тыһыынча кэриҥэ кыттааччы баара, быйыл 70 тыһыынчаттан тахса үөрэнээччи араас түһүлгэҕэ кытталлара күүтүллэр. Спартакиада Ил Дархан Айсен Николаев быһаарыытынан сөргүтүллүбүтэ. Бүгүн хайыы-үйэ бу спартакиада оҕолор ортолоругар успуорт сайдыытын күүстээх мэхэньииһиминэн буолла диэн бэлиэтиэххэ сөп», — диэн Сергей Местников бэлиэтээтэ.
Кини былырыын Ил Дархан спартакиада чөмпүйүөннэрин бэлэмнээбит бастыҥ тириэньэрдэргэ анал төлөбүрдэри олохтообутун туһунан санатта. Быйыл сайын 100 тыһыынча солкуобайдаах төлөбүрү күрэхтэһии түмүгүнэн 31 тириэньэр ылыаҕа. Спартакиада финалыгар 1,3 тыһыынча үөрэнээччи, ол иһигэр Саха сирин арктическай оройуоннарыттан оҕолор кэлэллэрэ күүтүллэр. Кыайыылаахтартан дойду үөрэнээччилэрин спартакиадатыгар сүүмэрдэммит хамаандалар тэриллиэхтэрэ.
«Старт Надежд» Саха сирин үөрэнээччилэрин бастакы спартакиадата 1994 сыллаахха ыытыллыбыта. Ол кэнниттэн 2000 сылтан 2016 сылга диэри ««Олимпийские надежды Якутии» буолбута.
Спартакиада 2023 сыллаахха сөргүтүллүбүтэ. Күрэхтэһии сыала-соруга — оҕолору физическэй култууранан уонна успуордунан утумнаахтык дьарыктналларыгар угуйуу.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…