Алдаҥҥа оскуола урукку дириэктэрэ сууттанна

 «Алдан улууһа» МТ дьаһалтата 2023 сыл муус устар ыйыгар хаар түспүтүн кэннэ, Лебединай бөһүөлэк 10-с №-дээх оскуолатын кырыыһатын хапытаалынай өрөмүөнүгэр ороскуоттаммыт 6,2 мөл. солк. тахса үбү-харчыны оскуола урукку дириэктэриттэн ирдээбитэ.

Улуус былаастара, хоромньу дириэктэр үлэтин эбээһинэстэрин ситэтэ суох толорбутуттан таҕыста диэн аахпыттара. Бу туһунан Саха сирин Үрдүкү суута иһитиннэрэр.

Суут быһаарбытынан, 1987 сыллаахха тутуллубут дьиэ кырыыһата быдан эргэрбит уонна  өрөмүөҥҥэ наадыйар эбит. Икки эспэртииһэ кэнниттэн, сууллан алдьаныытын биричиинэтэ быһаарыллыбатах. Алдан улууһун оройуонун суута диэриэктэр буруйа дакаастамматах буолан уонна кини дьайыыларын уонна хоромньу икки ардыларыгар төрүөт-сыдьаан сибээс суоҕунан, ирдэбили толорортон аккаастаммыта. Ол эрээри СӨ Үрдүкү суута апелляционнай үҥсүүнү ылымакка, оройуон суутун быһаарыытын уларытыыта суох хаалларда, диэн СӨ Үрдүкү суутун пресс-сулууспата иһитиннэрэр.