Саха сирин үөрэнээччилэрэ Пушкин удьуорун утумун кытары билистилэр.
Улуу бэйиэт Александр Сергеевич Пушкины өйдүүр-саныыр, ахтан ааһар бэлиэ күнү көрсө оскуола үөрэнээччилэрэ «А.С. Пушкин – семья – Россия» онлайн киэбинэн ыытыллыбыт Бүтүн Арассыыйатааҕы кэмпириэнсийэҕэ кытыннылар.
Аатырбыт бэйиэт Александр Пушкин удьуора — худуоһунньук Николай Данилевскай Пушкин дьиэ кэргэнин сыаннастарын, учуонайдар бырайыак иитинэн 3D-моделынан оҥорбут хаартыскаларын кэпсээтэ. Маны таһынан, кини А.С.Пушкины кытары сибээстээн дьиэ кэргэнин историятын, аатырбыт өбүгэлэрин нэһилиэстибэтин сайыннарарга аныгы көлүөнэ үлэтин сырдатта. «Пушкин удьуора билигин 200-тэн тахса көлүөнэ бэрэстэбиитэллэрин түмэр, оттон бу 58 салаа, 58 араас араспаанньа«, — диэн этэр Николай Данилевскай.
Бэлиэтээн эттэххэ, оскуола үөрэнээччилэригэр билиини-көрүүнү биэрэр кэмпириэнсийэни Б.Н.Ельцин аатынан Бэрэсидьиэн бибилэтиэкэтэ ыытта. Саха сирин үөрэнээччилэрэ билиини биэрэр бэсиэдэҕэ ВЭФ -2023 түһэрсиллибит сөбүлэһии иитинэн, СӨ уонна Бэрэсидьиэн бибилэтиэкэтэ бииргэ үлэлииллэринэн ситимнээн кытыннылар. СӨ Ил Дархана Айсен Николаев сорудаҕынан, Бэрэсидьиэн бибилэтиэкэтин ресурсатыгар киирэргэ, эрэгийиэҥҥэ 50-тан тахса киини тэриллибит. Онон бүгүн оскуола үөрэнээччилэрэ, педагогтар, куораттар уонна улуустар олохтоохторо дойду ураты историческай докумуонун көрөр кыахтаахтар. Маны сэргэ, Саха сирин олохтоохторо Бэрэсидьиэн бибилэтиэкэтэ ыытар бары тэрээһиннэригэр учуонайдары, музей үлэһиттэрин, искусствоведтары, историктары, артыыстары кытта алтыһар кыахтаахтар.
Тэрээһин хас да көлүөнэ Пушкиннар дьиэ кэргэн сыаннастарын, олохторун-дьаһахтарын, үгэстэрин, олоҕу-дьаһаҕы көрүүгэ-истиигэ уратыларын көрдөрөр. Чөл олох боппуруостара, Пушкин олоҕор уһуйуулуу уонна уһуйааччыларын оруоллара таарылыннылар.
—А.С.Пушкин удьуорун туһунан искусство диэйэтэлэ Николай Сергеевич Данилевскай олус интэриэһинэйдик кэпсээтэ. Улуу бэйиэт удьуорун салҕааччылар Санктр-Петербурга төрдүөлэр эрэ эбит. Пушкиннаах Лермонтов ырааҕынан уруулууларын истэн сэҥээрдибит, — диэн үлэ бэтэрээнэ, СӨ култуура туйгуна А.Н.Петрова санаатын үллэһиннэ.
И7итиннэрии уонна хаартыскалар Николаев-Центр.
Байыаннай дьайыы саҕаланыаҕыттан амарах санаалаах дьон, волонтердар күүс-көмө буолаллар, үгүстэрэ бэйэлэрин сүрүн үлэлэрин таһынан. Госпиталларга…
Өлүөнэ эбэ мууһа Кэбээйи, Нам, Уус Алдан улуустарынан устар. Нам улууһун сиригэр-уотугар 08:00 ч. иһитиннэриинэн,…
Нам улууһугар сааскы халаан уутуттан эмсэҕэлээбит нэһилиэнньэлээх пууннарга уу таһымын туһунан улуус дьаһалтатын пресс-сулууспата иһитиннэрэр.…
Улуу Кыайыы 79 сылынан Уус Алдан улууһун Суотту нэһилиэгэ ытык кырдьаҕастарыгар ас-үөл наборун туттарда. Ону…
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…