Хаартыска: Пуоруму тэрийээччи тиксэриитэ.
Москваҕа «Арассыыйа» национальнай кииҥҥэ Уһук Илик эрэгийиэннэрин күннэрин чэрчитинэн ыытыллыбыт Оскуола оҕолорун пуорума салҕанар.
Киин уобалас оҕолоро Уһук Илиҥҥэ, ол иһигэр Саха сиригэр, ханнык үрдүк үөрэх кыһалара баалларын билсэллэр. Үһүс күҥҥэ Ярославскай уонна Калуга уобаластарыттан үрдүкү кылаас үөрэнээччилэрэ кытыннылар.
Былырыын Уһук Илин үрдүк үөрэҕин кыһаларыгар атын эрэгийиэннэртэн 3300 кэриҥэ киһи үөрэнэ кэлбит. Быйыл 1100 киһинэн эбиллибит. Уһук Илин үрдүк үөрэҕин кыһаларыгар атын уобаластарга суох вулканология, акыйааны үөрэтии, аракыатаны тутуу, устар аалы тутуу, о.д.а. инновационнай идэлэргэ үөрэтэллэр.
“Холобур, ХИФУ-га ирбэт тоҥҥо бырамыысыланнай-гражданскай тутууга үөрэтэллэр. Билигин Арктиканы сайыннарыы стратегията олоххо киирэ турар, онон Мурманскайтан Чукоткаҕа диэри бөдөҥ тутуулар тутуллуохтаахтар. Оттон оннук идэни ХИФУ эрэ биэрэр. Саха сиригэр креативнай индустрияны сайыннарыы эмиэ күүскэ барар. “Үлэ кыбартаалыгар” бэйэҕит хорсун баҕа санааларгытын олоххо киллэриэххитин сөп”, — диэн бэлиэтиир СӨ Бастайааннай бэрэстэбиитэлин бастакы солбуйааччы Александр Сафронов.
Калужскай уобалас Серпей орто оскуолатын үөрэнээччитэ Михаил Игнатов умнуллубат тэрээһин буолбутун бэлиэтээтэ: “Пуорум чахчы туһалаах буолла, Уһук Илин туһунан элбэҕи биллим, ордук Саха сирин туһунан кэпсээбиттэрин интэриэһиргээтим”.
Пуорум дьыалабыай бырагырааматын кэнниттэн оҕолор Уһук Илин туһунан интерактивнай быыстапканан экскурсиялаатылар диэн иһитиннэрэр Ил Дархан, бырабыыталыстыба пресс-сулууспата.
Саха сиригэр Култуура сылыгар "Сахафильм" судаарыстыбаннай национальнай хампаанньа өйөбүлүнэн улахан экрааҥҥа тоҕус уус-уран уонна биир…
Хой Социальнай ситиминэн аһара үлүһүйэр, онон эрэ дуоһуйар буолбуккун. Дьиҥ олоҕуҥ аттыгынан элэҥнээн ааһаары гыммыт.…
Бүгүн, олунньу 13 күнүгэр, Саха сирин сорох улуустарыгар -6 кыраадыс буолара күүтүллэр диэн УГМС иһитиннэрэр.…
Төрөөбүт тыл уонна сурук-бичик күнүн чэрчитинэн Ил Түмэҥҥэ “СӨ судаарыстыбаннай уонна официальнай тыллара: кыһалҕата, кэскилэ”…
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…