Хаартыска: Мария Васильева, СИА.
Оскуола үөрэнээччилэрэ сиэри таһынан ноҕуруускалаахтарын, үөрэх бырагыраамата өрүү уустугуран иһэрин туһунан Судаарыстыбаннай Дуумаҕа төрөппүттэр суруктара киирэ турар эбит.
“Оҕолорбут күҥҥэ ортотунан 8-10 чаас үөрэнэллэр. Бу сиэри таһынан буоларын төрөппүттэр элбэхтик суруйаллар” – диэн Парламент палататын бэрэссэдээтэлэ Вячеслав Володин тус телеграм ханаалыгар иһитиннэрэр.
Ноҕуруускалыыр төрүөтүнэн төрөппүттэр үөрэх бырагыраамата өрүү уустугура турарын, күннээҕи уруоктара элбэҕин (8-ка диэри уруок), факультативка сылдьыыларын, тус бырайыагынан үлэлээһиннэрин, эбии үөрэхтээһини, дьиэҕэ үлэ элбэҕин, уустугун, хонтуруолунай үлэҕэ, эксээмэҥҥэ бэлэмнэниини, хас үһүс оҕо субуотаҕа үөрэнэрин ыйаллар.
“Эспиэртэр чахчыларынан, оҕо 70-80% үөрэхтэн сылайарын бэлиэтииллэр. Бу барыта оҕо доруобуйатыгар охсуулаах. Ону таһынан, бу курдук иллэҥэ суох буолан оҕо тугунан эмэ умсугуйан дьарыктанарыгар, доҕотторун кытта илэ көрсөн алтыһарыгар бириэмэтэ тиийбэт” – диэн дьокуутаат суруйар итиэннэ маныаха дьон санаатын ыйытар. Кэмэнтээрийгэ 8 тыһ. тахса киһи суруйбутуттан сылыктаатахха, чахчы элбэх төрөппүтү, киһини долгутар боппуруос быһыылаах.
Бүгүн, ыам ыйын 10 күнүгэр, Дьокуускай куоракка «Борисовка-1» түөлбэҕэ түөрт саастаах оҕо 9 этээс болкуонуттан…
Арыйаан аҕатын билбэккэ улааппыта. Бэйэтин өйдүөҕүттэн, ийэтэ уонна эһээлээх эбээтэ баар буолан, тулаайах курдук санаммат…
Кыайыы сырдык дьаралыгар куустаран, 80 сыллаах өрөгөйдөөх тэрээһиннэр ньиргиэрдэринэн өрө күүрүллэн, норуот бу улуу бырааһынньыгын…
Ыам ыйын 10 күнүгэр сарсыарда 08:34 чааска Хаандыга бөһүөлэккэ саахал тахсыбытын кэннэ уот арахсыбыт. Ол…
Москваҕа Саха сиригэр хостоммут ювелирнай хаачыстыбалаах Арассыыйа биир бөдөҥ алмааһын билиһиннэриитэ буолан ааста. Бу туһунан…
Госдуума дьокутааттара Аҕа дойду Улуу сэриитин бэтэрээннэригэр ыйдааҕы төлөбүрдэрин икки төгүл улаатыннарары туруорсаллар. Сокуон барылын…