Хаартыска: Мария Васильева (СИА), архыып.
Оскуола 8-11 кылааһын үөрэнээччилэрэ уонна орто анал үөрэҕин кыһаларын устудьуоннара нейросеть, оҥоһуу өй үлэтин үөрэтэллэригэр босхо бырайыакка кыттыыга бэлиэтэнии саҕаланна.
Бырайыагы MAXIMUM Education Арассыыйа үөрэххэ АйТи хампаанньата үлэлэтэр. Тустаах хампаанньа уонтан тахса сыл устата оскуола биридимиэттэригэр үөрэтэр, идэҕэ туһаайыыга бэлэмнээһиҥҥэ улахан уопуттаах, информационнай технологияларга анал бырайыактардаах, ону тэҥэ, “Код будущего” федеральнай бырайыак сүрүннээччитэ, “Путь в АйТи” Бүтүн Арассыыйатааҕы үөрэнээччилэр олимпиадаларын тэрийээччитинэн буолар.
Бырайыак сүрүн соруга – сэҥээрэр үөрэнээччилэри, устудьуоннары бүгүҥҥү күҥҥэ саамай ирдэнэр суолталаах, аныгы үөрэх матырыйаалынан хааччыйыы. «Мастерская искусственного интеллекта: от идеи до личного проекта» кууруһу MAXIMUM Education салайар мэтэдиистэрэ, преподавателлэрэ уонна эспиэртэрэ оҥордулар. Бу оҥоһуу өйү, нейросети уонна дааннайдар анаалыстарын үөрэтиигэ үтүө хардыынан буолуоҕа.
Куурус толору бырагырааматын https://mxedu.ru/5osKhQ официальнай саайтарыгар көрүөххүтүн уонна бэлиэтэниини эмиэ онно ааһыаххытын сөп.
Манна үөрэнээччилэри туох күүтэрий:
— “Код будущего” федеральнай бырайыак иитинэн куурус преподавателин — MAXIMUM Education бырагыраамалааһыҥҥа эспиэриттэн видеонан-уруок;
— оҥоһуу өй уонна нейросеть туһунан саамай суолталаах иһитиннэрии: хайдах үлэлиирэ, тугу сатыыра, туохха аналлааҕа уонна ону куттала суох хайдах туһаныллара;
— дааннайдарынан үлэ туһунан толору көрдөрүү: Python бибилэтиэкэтин хайдах туһаныы, визуализация;
— оҥоһуу өйү быраактыкаҕа туһаныы үлэтэ;
— биир санаалаахтары кытта алтыһыы түһүлгэтэ: куурус үөрэнээччилэрэ MAXIMUM Education преподавателлэрин кытта санаа, информация атастаһыахтара, сүбэлэһиэхтэрэ.
Тэрээһиҥҥэ кыттыы туһунан tatyana.moiseeva@maximumtest.ru электроннай почтанан ыйытыаххытын сөп.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…