Оскуола үөрэнээччилэригэр лаптаны оонньотуохтара

Аныгы оҕо хамсанара аҕыйаата, үгүс бириэмэтин олорон атаарар диэн элбэхтик этэллэр. Оҕо доруобуйатын бөҕөргөтөр итиэннэ атын даҕаны сатабылларын сайыннарар инниттэн сыыйа хамсаныылаах урукку оонньуулары сөргүтэн эрэллэр.

Ол курдук, нуучча төрүт оонньуутун үөрэҕин  кууруһун РФ Үөрэҕириигэ министиэристибэтэ оҥорбут. Оонньууну физкультура уруогун бырагырааматыгар уонна уруогу таһынан дьарыкка киллэриэхтэрэ диэн суруйаллар.

“Лаптаны оонньуулларыгар оҕолор хамаанданан үлэлии, көҕүлүү уонна быһаарыылаах буола үөрэнэллэр”, — диэн министиэристибэҕэ иһитиннэрбиттэр.