Хаартыскаҕа Андрей Сорокин түһэриитэ
Бу күннэргэ дойду киин сонуну тарҕатар ситимнэригэр оскуолаҕа оҕону 11 оннугар 12 сыл үөрэтэр итиэннэ алта саастарыттан ылар туһунан санааны Уопсастыбаннай балаата сэкирэтээрин солбуйааччы Владислав Гриб этиитэ киэҥник тарҕанна. Бу туһунан РФ Үөрэҕириитин министиэристибэтэ маннык иһитиннэрдэ.
— Бүгүн Арассыыйа үөрэҕин систиэмэтэ араас саастаах оҕолор үөрэх матырыйаалын көдьүүстээхтик иҥэринэллэрин хааччыйар. Үөрэх бырагыраамалара үөрэнээччи сааһыгар сөп түбэһэрин таһынан, хас биирдии оҕо сайдыытын уратытын учуоттуур. Олоххо киирбит үөрэх федеральнай судаарыстыбаннай ыстандаарта уонна федеральнай бырагыраамалар дойду хас биирдии оскуолатыгар хаачыстыбалаах үөрэҕи хааччыйаллар. Арассыыйа Үөрэҕириитин министиэристибэтэ хонтуруолунай үлэни уонна дьиэтээҕи сорудаҕы бэрээдэктиир үлэни ыытар. Хонтуруолунай үлэ үөрэх биримиэтин уопсай кээмэйин 10%-тан ордук тахсыа суохтаах. Ону таһынан, дьиэҕэ сорудаҕы толорууга Роспотребнадзору кытта сүбэлэһиллибит бириэмэ нуормата бигэргэтиллибитэ. Үөрэх биридимиэттэринэн уруоктары былааннааһын киирбитэ.
Билигин баар мэхэниисим дойду үөрэҕин хаачыстыбата үрдүк таһымнаах буоларын уонна хас биирдии оҕоҕо хаачыстыбалаах үөрэх тиийиитин бириинсибэ тутуһулларын өйүүр.
Ханнык баҕарар саҥа көҕүлээһин ымпыгар-чымпыгар тиийэ ырытыһыыны, экспэртиисэни ааһара уонна идэлээх дьон түмсүүтүн, төрөппүттэр, үөрэнээччилэр бэйэлэрин санааларын учуоттуура ирдэнэр. Уларыйыы түмүгэ туохха тириэрдиэн сыаналыыр, кутталлаах уонна үтүө өрүттэрин булар суолталаах, — диэн РФ Үөрэҕириитин министиэристибэтин телеграмыгар суруллар.
Онон, чугастааҕы сылларга оскуолаҕа 12 сыл үөрэтии син биир киирбэт. Аныгы курдук үлэһит илии, оробуочай идэлээх дьон тиийбэт кэмигэр бу курдук быһаарыныыны ылаллара саарбах.
Саха сиригэр дьоҕус уонна орто биисинэһи мэктиэлээһининэн өйүүргэ саҥа бородуукта үлэлээтэ. Бу туһунан Урбааны сайыннарыы…
Дьокуускайга «Спортивнай» түөлбэҕэ сыл бүтүөр диэри элбэх өҥөнү оҥорор успуорт саалатын тутуута түмүктэниэ. «2021 сылтан…
Дьокуускайга алтынньы 24 күнүгэр Саха сиригэр уонна Арассыыйаҕа Ийэ күнүгэр анаммыт тэрээһиннэри ыытыахтара. Саха сирин…
СӨ Ил Дархана Айсен Николаев уонна «Универсальнай университет» (Universal University) АН үрдүк үөрэх тэрилтэтин дириэктэрэ…
Өрөспүүбүлүкэтээҕи 2 нүөмэрдээх балыыһа-Мэдиссиинэ суһал көмөтүн киинин хирургияҕа мобильнай киинэ Булуҥ улууһун Оройуоннааҕы киин балыыһатыгар…
Бастатан туран, оҕолор уонна ыччат билимҥэ, чинчийэр үлэҕэ интэриэстэрин тардар сыалтан Саха сиригэр сыл аайы…