Оскуолаларга иитэр үлэҕэ дириэктэр сүбэһитэ баар буолуоҕа

Арассыыйа Бэрэсидьиэнэ Владимир Путин бары оскуолаларынан оҕо уопсастыбаннай түмсүүлэрин кытта бииргэ үлэлээһиҥҥэ дириэктэр сүбэһитин дуоһунаһын олохтуурга сордахтаата. Бу туһунан иһитиннэрии Кириэмил саайтыгар таҕыста.

Быһаарыы бу сыл кулун тутар 26 күнүгэр буолбут «Движение первых» оҕо уонна ыччат Бүтүн Арассыыйатааҕы уопсастыбаннай-судаарыстыбаннай хамсааһыны кэтээн көрөр Сэбиэт мунньаҕын түмүгүнэн ылыныллыбыт.

Сорудах биир кэлим иитэр-үөрэтэр эйгэни тэрийиигэ туһуланар. Ону тэҥэ 2026-2028 сылларга федеральнай бүддьүөккэ ити сыалга үбү-харчыны көрөргө быһаарыы баттанна.

Бу тиэмэҕэ дакылааты Бэрэсидьиэҥҥэ бу сыл алтынньы 1 күнүгэр диэри, салгыы сыл ахсын, иһитиннэриэхтэрэ. Сорудаҕы толорууга РФ премьер-миниистирэ Михаил Мишустин уонна эрэгиийэннэр баһылыктара эппиэттээҕинэн ананнылар.