Оскуолаларга оҕону аһатыыга кэһиилэр тахсыбыттара булулунна

Мэҥэ Хаҥалас улууһун борокуратуурата Саха сиринээҕи Роспотребнадзор управлениетын территориальнай салаатын исписэлиистэрин кытта улуус үөрэҕин тэрилтэлэригэр санитарнай-эпидемиологическай сокуону тутуһуу хайдаҕын бэрэбиэркэлээтэ.

Бэрэбиэркэ түмүгүнэн, оскуолалар ас астыыр сирдэригэр нуормаламмыт ирдэбилгэ сөп түбэспэт уу туттуллара, бэлэмнэммит ас кыра ыйааһыннааҕа, үлэһиттэргэ санитарнай-гигиеническэй докумуоннара суоҕа, кытаанах хомунаалынай бөҕү-сыыһы туһаныыга ирдэбили кэһии уо.д.а.  булулунна.

Бу кэһиилэри суох оҥорор уонна оҕо быраабын көмүскүүр сыалтан борокуратуура орто үөрэхтээһин 10 тэрилтэтин салайааччыларыгар сурук киллэрдэ,  ону кытта кинилэргэ РФ административнай быраабы кэһии туһунан кодексын 6.7 ыст. 1 ч. административнай быраабы кэһии иһин дьыалалары тэрийдэ.

Борокуруор аакталарын көрүү түмүгүнэн, 10 буруйдаах ыстараап төлөөһүннээх административнай эппиэтинэскэ тардылынна. Быраабы кэһиини суох оҥоруу улуус борокуратууратын хонтуруолугар сылдьар диэн суруллар СӨ Борокуратууратын саайтыгар.