Хаартыска: Андрей Сорокин, СИА
Ил Дархан Айсен Николаев үөрэх тэрилтэлэрин салайааччыларыгар саҥа оптуобустар күлүүстэрин туттарда.
20 оптуобус Саха сирин тыйыс килиимэтигэр анаан оҥоһуллубуттар. Саҥа тырааныспары ол иһигэр Арктика оройуоннарын икки тыа оскуолаларыгар анаатылар.
«Кэнники сылларга оскуолаларынан оптуобустар күлүүстэрин туттарыы үтүө үгэскэ кубулуйда. Бүгүн 20 оптуобус күлүүстэрин туттардыбыт. Кинилэр ортолоругар 17 оскуола, икки кэллиэс уонна «Бэс чагда» оҕолору сынньатар уонна чэбдигирдэр киин. Владимир Путин көмөтүнэн саҕаламмыт бырагыраама олоххо киирэриттэн үөрэбин. Бырагыраама географията олус киэҥ. Оҕолор араас күрэхтэһиилэргэ, куонкурустарга кыттар кыахтаныахтара», — диэн Айсен Николаев бэлиэтээтэ.
«Оптуобустар олус сылаастар. Тырааныспары Зырянка оскуолатыгар туттардыбыт. Кыһыҥҥы суол аһылыннаҕына саҥа тиэхиньикэни оскуолаҕа ыытыахпыт. Оптуобустар нэһилиэктэр икки ардыларыгар сүүрүөхтэрэ, онон оскуола оҕолоро араас тэрээһиннэргэ, научнай кэмпириэнсийэлэргэ кыттыахтара. Зырянка оскуолатыгар олус көхтөөх оҕолор үөрэнэллэр, олимпиадаларга мэлдьи кытталлар. Биһиги оҕолорбутугар оптуобус анаммытыгар олус махтанабыт», — диэн Үөһээ Бүлүү улууһун үөрэҕин управлениетын бэрэстэбиитэлэ Марианна Семенова иһитиннэрдэ.
Оптуобус пааркатын саҥардыы РФ Атыы-эргиэн бырамыысыланнаһын министиэристибэтин кытта бииргэ үлэлээһин чэрчитинэн оҥоһуллар. Быйыл тырааныспардары атыылаһыыга 61 мөл. солк. тахса үп-харчы көрүллүбүтэ. Былырыын Саха сирэ 44 оскуола оптуобуһун ылбыта.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…