Оскуолаларга үөрэнээччилэри мэдиссиинэ өҥөтүнэн хааччыйыыны сөргүтэллэр

Балаҕан ыйын 1 күнүттэн өрөспүүбүлүкэ 96 оскуолатыгар мэдиссиинэ пууннара үлэлиэхтэрэ.  500 тахса үөрэнээччилээх оскуолаларга маннык өҥө көрүллүөҕэ.

Сүрүн сорук быһыытынан бастакы суһал мэдисиинэ көмөтүн оҥоруу, ыарыыны сэрэтии уонна оҕолор доруобуйаларын туругун хонтуруолга ылыы буолар. Бу туһунан СӨ доруобуйа харыстабылын министиэристибэтигэр иһитиннэрдилэр.

Биэдэмистибэҕэ иһитиннэрбиттэринэн, өрөспүүбүлүкэ аҕа баһылыгын сорудаҕынан, доруобуйа харыстабылын уонна үөрэх министиэристибэлэрэ кыттыһан үөрэх тэрилтэлэригэр мэдиссиинэ көмөтүн оҥоруу туһунан үлэни тэрийиэхтэрэ.

Тэрээһин «Молодежь и дети» диэн национальнай бырайыак чэрчитинэн ыытыллар.