Хаартыска: СӨ Тутуу министиэристибэтиттэн
Үс оскуоланы тутуохтара. Бу үөрүүлээх түгэни Өрөспүүбүлүкэ күнүгэр сөп түбэһиннэрэн ыыттылар.
Муусука үрдүкү оскуолатын кампуһун иккис уочаратын, Дьокуускайга 1 нүөмэрдээх оскуола уонна Томпо оройуонун Новай сэлиэнньэтигэр 80 миэстэлээх оскуола тутуутун саҕалаатылар диэн СӨ Тутууга министиэристибэтин пресс-сулууспата иһитиннэрэр. Эбийиэктэр сакаасчыттарынан «СӨ судаарыстыбаннай сакаасчыт сулууспата» тэрилтэ буолар.
Муусука үрдүкү оскуолатыгар билигин 7-тэн 18 саастарыгар диэри 174 оҕо уонна үрдүк үөрэххэ 103 оҕо үөрэнэр. Саҥа үс этээстээх комплекс 240 оҕо үөрэнэр куорпустаах уонна 150 миэстэлээх интэринээттээх буолуоҕа. Манна улахан кэнсиэртиир саала, бибилэтиэкэ, устуудьуйа, фонотека кэбиниэтэ , успуорт уонна оҕо былаһааккалара киириэхтэрэ.
Дьокуускайга 1 нүөмэрдээх оскуоланы тутуу «Саха Өрөспүүбүлүкэтин үөрэҕин 2020-2024 сылларга уонна 2026 сылга диэри былааннаммыт кэмҥэ сайдыыта» судаарыстыба бырагырааматын чэрчитинэн тутуллар. Эргэ дьиэ оннугар саҥа түөрт этээстээх оскуола дьэндэйиэ. Манна симиэнэҕэ 253 оҕо үөрэниэ. Тиэргэнигэр успуордунан, көхтөөх оонньууларынан дьарыктанарга табыгастаах буолуоҕа. Бу куорат маастар-былаанын чэрчитинэн тутуллар бастакы уопсай үөрэхтээһин кыһата буолуоҕа.
Оттон Томпо оройуонугар Новай сэлиэнньэтигэр кэтэһиилээх оскуолаларын инвестиционнай бырагырааманан үлэҕэ киллэриэхтэрэ. Урукку эбийиэктэрэ халаантан эмсэҕэлээбитэ. Билигин оскуола 79 үөрэнээччилээх.
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…
Былаас бэрэстэбиитэллэрэ, бырамыысыланнас хампаанньаларын салайааччылара уонна байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…
Ахсынньы 23 күнүгэр Дьокуускай бириэмэтинэн күнүс 12:00 чааска Айсен Николаев сыл аайы оҥоһуллар Ил Түмэҥҥэ…
В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр олорооччулар күннэрэ бэйэ-бэйэтигэр маарыннаһар: биир кэм бэрээдэктээх күннэр,…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Өтөх төҥүргэстээх" …
Нерюнгри оройуонун салаатын суут бириистэптэрэ биир тэрилтэттэн рекорднай суумалаах хамнаска иэһи ирдээтилэр. Нерюнгри олохтооҕо таҥастыыр…