Ааптар хаартыскаҕа түһэриитэ
Бэрдьигэстээх сэлиэнньэтигэр бырабыыталыстыба отчуотугар сүрүннээн оскуола, уһуйаан тутуутун туруорустулар.
Бастаан Өрт орто оскуолатын 5-с кылааһын үөрэнээччилэрэ тахсан, оскуолалара тымныытын, эргэтин, остолобуой, спортивнай саала тус-туспа дьиэлэргэ баалларын эттилэр. Бырабыыталыстыба бэрэссэдээтэлин солбуйааччы Ольга Балабкина уолаттары сыанаҕа ыҥыран таһааран, хайдах үөрэнэллэрин ыйыталаста. »Туйгуннук!» диэн хоруйдаатылар.
Өрт орто оскуолатын тутуу өрөспүүбүлүкэтээҕи уочаракка 42-с миэстэҕэ турар.
Былырыын Бэрдьигэстээххэ уонна Бэс Күөлүгэр улахан оскуолалар тутуллубуттара. Онон Солоҕоҥҥо (Өрт) тута тутулла охсоро саарбах. »Техзадание» бэлэмнэнэр. Ол эрээри, Ольга Балабкина уолаттарга: »Уочараты сыҕарытар кыах баар буоллаҕына, сыҕарытыам», — диэн эрэннэрдэ.
Бу кэнниттэн, аны, улуустааҕы гимназия үөрэнээччитэ тахсан, саҥа оскуола дьиэтэ тутулларын туруоруста. Билигин гимназия 1980 сыллаахха тутуллубут дьиэҕэ үлэлиир, былырыын туалекка баһаар буолбут.
Маны тэҥэ, »Родничок» уһуйаан дьиэтин тутары туруорустулар. Эргэ дьиэ 1950 сыллаахха тутуллубут. Уочаракка 7-с миэстэҕэ турар.
Оҕо ускуустубатын оскуолата 1975 сылга тутуллубут.
— 2024 сылга өрөспүүбүлүкэҕэ 14 оскуоланы тутан киллэрдибит. Быйыл эмиэ оччо оскуола тутуллуоҕа. Саахалланар туруктаах оскуола суох буоларын баҕарабыт, — диэн туран, вице-премьер балаһыанньаны быһаарарга соруйда.
Култуура миниистирэ Афанасий Ноев эппитинэн, Арассыыйа култуураҕа министиэристибэтин хайысхатынан, ускуустуба оскуолаларын тутуу бырагыраамата саҕаламмыт. Бэрдьигэстээх ускуустубатын оскуолатын тутуу өрөспүүбүлүкэҕэ бастакы уочараттаах. Ол эрээри, тоҕо эрэ маастар-былаан быһыытынан, бастакы уочарат Дьокуускайга, Жатайга бэриллибит, бу атын бырагыраама. Онон бу икки бырагыраамалартан биирдэстэригэр хабыллыан сөп.
Ангелина Васильева.
Ааптар түһэриитэ.
Балаҕан ыйын 8 күнэ. Ил Дархан өрөспүүбүлүкэ олохтоохторун Арассыыйа норуоттарын тылларын күнүнэн эҕэрдэлээтэ. «Төрөөбүт тылларбытын…
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…