Оскуоланы бүтэрээччилэр олунньу 1 күнүгэр диэри биир кэлим эксээмэни туттарар туһунан сайабылыанньаларын биэриэхтээхтэр

Үөрэҕи уонна билими кэтээн көрөр федеральнай сулууспа иһитиннэрэринэн, оскуоланы бүтэрээччилэр олунньу 1 күнүгэр диэри биир кэлим эксээмэни туттаралларын туһунан сайабылыанньаларын биэриэхтээхтэр. Олунньу 1 күнүгэр өрөбүл буолан, сайабылыанньаны биэрии олунньу 2 күнүгэр диэри уһуур.

Быйыл оскуоланы бүтэрээччилэр сайабылыанньаларын үөрэнэр оскуолаларыгар биэрэллэр, онтон экстерннар – судаарыстыбаннай аккредитациялаах ханнык баҕарар оскуолаҕа.

Оскуоланы эрдэ бүтэрбиттэр үөрэх управлениетын эрэгийиэннээҕи  бигэргэммит уорганнарын миэстэлэригэр бэлиэтэнэллэр.

Эрдэ оскуоланы бүтэрбиттэр үөрэх туһунан докумуон оригиналын эбэтэр бигэргэтиллибит куопуйатын көрдөрөллөрө ирдэнэр.

Кэллиэс устудьуоннара сайабылыанньаларын туттаралларыгар, орто үөрэх бырагырааматын баһылаабытын бигэргэтэр эбэтэр быйыл бүтэрэрин туһунан үөрхтэрин тэрилтэлэриттэн ыспыраапка көрдөрөллөр.

Быйылгы биир кэлим эксээмэн наардала:

Сүрүн түһүмэх иннинээҕи түһүмэх: кулун тутар 20 күнүттэн – муус устар 20 күнүгэри диэри

Сүрүн түһүмэх: бэс ыйын 1 күнүттэн – от ыйын 9 күнүгэр диэри

Эбии түһүмэх:  балаҕан ыйын 4 – 25 күннэригэр.