Хаартыска: sakha.gov.ru
Бүгүҥҥүттэн, олунньу 17 күнүттэн, Сунтаар, Ньурба, Үөһээ Бүлүү, Бүлүү, Мэҥэ Хаҥалас, Уус Алдан, Хаҥалас, Горнай, Нам улуустарын 5-6-с кылааһын 150 үөрэнээччитэ, тэйиччиттэн көрүҥүнэн төрүт үгэскэ олоҕуран саха хомуһугар тардыы олимпиадатыгар кыттар.
Олимпиада сыала – талааннаах оҕолору булуу, төрүт култуураҕа интэриэһи үрдэтии.
Оҕолорго хомус устуоруйатын кэпсиэхтэрэ, хомус оҥоһуллуутун, аан дойду норуоттарын хомуһун киинин уонна түмэлин сэдэх эспэнээттэрин көрдөрүөхтэрэ. Ону тэҥэ, бэрэпиэссэр Фредерик Крейн туһунан кэпсиир “Ураты кэллиэксийэ туһугар” киинэни уонна кини хомус түмэлигэр бэлэхтээбит варганнарын кэллиэксийэтин билиһиннэриэхтэрэ.
Импровизатор-хомусчуттар Туйаара Жиркова, Айсен Деллохов тренинг-быраактыканы ыытыахтара, хомуска тардыы саамай сүрүн ньымаларын уонна ону судургутук туһаныыны көрдөрүөхтэрэ.
Олимпиада түөрүйэҕэ чааһыгар кыттааччылар тестирование ааһыахтара. Быраактыкатыгар хас биирдии улуус үөрэнээччилэр хомуска тардар видеоларын көрдөрүөхтэрэ. Оҕолору өрөспүүбүлүкэҕэ биллэр хомусчуттар сыаналыахтара.
Олимпиада быйыл иккис төгүлүн ыытыллар. Былырыын Саха сирин 6 улууһун алын кылааһын үөрэнээччилэрэ кыттыбыттара.
Тэрээһини хомуска уһуйааччы Антонина Никитина, Сунтаар улууһун үөрэҕин управлениета, өрөспүүбүлүкэ таһымнаах Тойбохой устуоруйаны-кыраайы үөрэтэр комплекса, Сунтаардааҕы оҕо айымньытын киинэ, Аан дойду норуоттарын хомуһун түмэлэ уонна киинэ тэрийэн ыыталлар.
СӨ Ил Дарханын уонна Бырабыыталыстыбатын пресс-сулууспата.
Бу сыл сэтинньи 5 күнүттэн сэтинньи 10 күнүгэр диэри Дьокуускай куоракка 1-12 кылаас үөрэнээччилэрэ уонна…
Владивосток куоракка ыытыллыбыт III Уһук Илиннээҕи хор олимпиадаҕа Саха сириттэн «Надежда Туймаады» хор уонна «Северные…
Дьокуускай куорат баһылыга Евгений Григорьев Норуот сомоҕолоһуутун күнүгэр «Сааҕын байыаннай дьайыыга туттар» аахсыйанан байыаннай дьайыы…
Сэтинньи 4-6 күннэригэр өрөспүүбүлүкэҕэ үһүс төгүлүн ыытыллар "Народ и армия едины" диэн Фашизмы утары пуорум…
М.К. Аммосов аатынан Хотугулуу-Илиҥҥи федеральнай университет омук устудьуоннара саха төрүт муус аннынан балыктааһыҥҥа – муҥхаҕа…
Арассыыйа Федерациятын Бырабыыталыстыбатын Бэрэссэдээтэлин солбуйааччы – Арассыыйа Федерациятын Бэрэсидьиэнин Уһук Илин федеральнай уокуругар боломуочуйалаах бэрэстэбиитэлэ…