Хаартыска: М.Васильева (ЯСИА)
Дьон үксүгэр остеохондроһу сүрэх ыарыытыттан кыайан араарбат. Бу икки ыарыы сибикилэрин араара үөрэнии уонна иккиэн туох уратылаахтарын туһунан Өрөспүүбүлүкэтээҕи 2 №-дээх балыыһа-Мэдиссиинэ Суһал көмөтүн киинин кардиолог-бырааһа Любовь Неустроева маннык быһаарар.
-Сүрэх ыарыытын уонна остеохондроз сибикилэриттэн үгүс киһи долгуйар. Ыарыы сибикилэрэ майгыннаһыахтарын сөбүн да иһин, кинилэр уратылара ыарыыны чопчу быһаарарга уонна сөптөөхтүк эмтииргэ сүрүн төрүөтүнэн буолаллар.
Сүрэх ыалдьарыгар хаан баттааһына уларыйар, тыын ыгыллар, түөс аһыйар эбэтэр ыалдьар, ити сибикилэр хаҥас илиигэ, моойго, сыҥаахха уонна сискэ тарҕаныахтарын сөп.
Хорук тымырдар кыарыылларыттан эбэтэр тромбаттан уонна атеросклеротический бляшкаттан сылтаан, сүрэххэ хаан сүүрэрэ мөлтүүр. Аҕылыахха, хотуолуохха, сүрэх эриллиэн, көлөһүннүрүөххэ сөп, ону сэргэ туохтан эрэ долгуйуу, куттаныы баар буолуон сөп. Маннык түбэлтэҕэ түргэнник суһал көмөнү ыҥырыллар.
Онтон итинник сибикилэр остеохондроз ыарыытыгар эмиэ биллиэхтэрин сөп. Остеохондроз – сис тоноҕоһугар дегенеративнай уларыйыылары кытары сибээстээх турук. Остеохондрозка түөс ыалдьар уонна сис тоноҕоһун ноҕуруускалаатахха, ыарыы күүһүрүөн сөп. Ыарыы бэлиэтэ сискэ, моойго, сарыҥҥа уонна атахха биллэриэн сөп. Ордук хамсанар-имсэнэр кэмҥэр күүһүрэр. Остеохондроз эт-сиин тэһитэ кэйиитинэн уонна көһүйүүтүнэн биллэрэр.
Өскөтүн сүрэх ыарыытыгар майгынныыр сибики баар, ол эрэн аҕылааһын, сүрэх өлүөхсүйүүтэ уо.д.а. суох буоллаҕына, сүрэх уонна остеохондроз ыарыыларын араарарга көмөлөһөр аҕыйах ньыма баар.
Олортон биирдэстэрэ – хамсанаргар уонна сытар балаһыанньаҕын уларытаргар ыарыы төһө уларыйарый? Сүрэх ыарыыта үксүгэр, остеохондрозка тэҥнээтэххэ, хамсаныыттан эбэтэр балаһыанньаны уларытыыттан тутулуктаммат. Холобур, остеохондроз биир турукка олордоххуна эбэтэр сис тоноҕоһуҥ ноҕуруускаланнаҕына биллэрэр (оттон сүрэх ыарыыта хаһан баҕарар, уоскулаҥ да кэмҥэр биллэриэн сөп). Ону таһынан остеохондроз сүрэх тэбиитин эбэтэр хаан баттааһына түргэтиирин кытары сибээһэ суох.
Ыарыы сибикилэригэр мунаахсыйар эбэтэр ыарыы өссө күүһүрэр түбэлтэтигэр кардиолог-бырааска көрдөрө охсор улахан туһалаах. Быраас эрэ бүтэһиктээхтик быһаарар уонна тустаах эмтэниини аныыр.
Чэгиэн буолуҥ! Бэйэҕитин харыстааҥ!
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…